वाहतूक विभागातील एका वरिष्ठ पोलिस अधिकाऱ्याने नाव न सांगण्याच्या अटीवर दक्षिण मुंबईत घडलेल्या या प्रकाराची माहिती ‘महाराष्ट्र टाइम्स’ला दिली. राज्यात मुख्यमंत्री आणि अतिमहत्त्वाच्या व्यक्ती वगळता, अन्य कोणाच्याही वाहनांना सायरनची परवानगी नाही. अशा प्रकरणांत वाहतूक पोलिसांकडून दंडात्मक कारवाई करण्यात येते. मात्र, गुरुवारच्या घटनेत याकडे काणाडोळा करण्यात आला.
Maharashtra Politics : भाजपचे मित्रपक्षांवरच ऑपरेशन लोटस, शिवसेनेतील पॉवरफुल पितापुत्र ‘कमळ’ धरणार, राष्ट्रवादीतूनही तिघांचा पक्षप्रवेश
शनिवार, १ नोव्हेंबर रोजी महाविकास आघाडी, डावे पक्ष आणि मनसे यांचा निवडणूक आयोगाविरोधात मोर्चा असून, त्याच्या नियोजनासाठी गुरुवारी दुपारी नरिमन पॉइंट येथील यशवंतराव चव्हाण केंद्रात बैठक होती. त्यासाठी उद्धव ठाकरे ‘मातोश्री’हून निघाले. त्यांच्यासोबत आदित्य ठाकरे हेसुद्धा होते. ठाकरे यांचा ताफा सागरी किनारा मार्गाने भुयारात पोहोचला, तेव्हा त्यांच्या ताफ्यातील तीन खासगी गाड्यांवर सायरन वाजत असल्याचे मुंबई पोलिस दलातील एका वरिष्ठ पोलिस अधिकाऱ्याने पाहिले. या अधिकाऱ्याने तातडीने वाहतूक विभागातील पोलिसांना हा ताफा कोणाचा आहे, याची चौकशी करण्याच्या सूचना दिल्या. त्यानंतर वाहतूक पोलिस विभागाचे पोलिस निरीक्षक प्रतिष्ठानजवळ पोहोचले.
Shiv Sena vs BJP : शिवसेनेच्या ‘आपला दवाखाना’साठी चार वर्षांत 29 कोटी घेतले, पण… भाजप आमदाराच्या आरोपांनी महायुतीला तडे
ठाकरे यांचा ताफा यशवंतराव चव्हाण केंद्राजवळ आला, तेव्हा वाहतूक पोलिसांनी या तीनही खासगी वाहनांतील चालकांकडे ‘परवानगी नसताना सायरन का वाजवले’, असा प्रश्न केला. मात्र, हा ताफा उद्धव ठाकरे यांचा आहे, हे समजताच पोलिस नरमले. या वाहनांवर दंडात्मक कारवाई करण्याऐवजी केवळ समज देण्यात आली. प्रकरण नाजूक असल्याचा पोलिसांनाही अंदाज आल्याने सायरन जप्त करण्याच्या कारवाईऐवजी सायरन काढून गाडीत ठेवण्याच्या सूचना करीत पोलिस आल्या पावली परतले.