पंढरपूर येथील एसटी महामंडळाच्या चंद्रभागा या यात्रा बसस्थानकावरून २८ ऑक्टोबर ते ३ नोव्हेंबर काळात कार्तिकी एकादशी यात्रेनिमित्त जादा बस वाहतूक होईल. या बसस्थानकावर १७ फलाट असून, सुमारे १ हजार बसेस लावण्याची सुसज्ज पार्किंग व्यवस्था या ठिकाणी आहे. तसेच सर्व एसटी कर्मचारी व अधिकाऱ्यांच्या राहण्याची सोयदेखील या बसस्थानकामध्ये करण्यात आली आहे. प्रत्यक्ष यात्रेदिवशी एसटी बसेस मुळे वाहतूक कोंडी होऊ नये यासाठी चंद्रभागा बसस्थानकावर १२० पेक्षा जास्त एसटी कर्मचारी उपस्थित राहणार आहेत.
Maharashtra Politics : भाजपचे मित्रपक्षांवरच ऑपरेशन लोटस, शिवसेनेतील पॉवरफुल पितापुत्र ‘कमळ’ धरणार, राष्ट्रवादीतूनही तिघांचा पक्षप्रवेश
यात्रा कालावधीमध्ये ४० पेक्षा जास्त प्रवाशांनी एकत्रित मागणी केल्यास आपल्या गावातून थेट पंढरपूरला जाण्यासाठी एसटी महामंडळाने बस उपलब्ध करून देण्याची तयारी दर्शवली आहे. या गट आरक्षणामध्ये ज्येष्ठ नागरिक व महिलांसाठी ५० टक्के व ७५ वर्षांवरील ज्येष्ठ नागरिकांसाठी मोफत प्रवास करण्याची सवलत लागू राहील. प्रवाशांनी या थेट बुकिंगचा लाभ घ्यावा, असे आवाहनही प्रताप सरनाईक यांनी केले.

१७ : चंद्रभागा बस स्थानकावरील फलाट
सुमारे १ हजार : बस लावण्याची व्यवस्था
सुमारे १२० : कर्मचारी या स्थानकावर नियुक्त
Solapur News : ठाकरेंच्या शिवसेनेच्या बैठकीत राडा, निवडणुकी अगोदर वाद असतातच, मी शांत केलं… चंद्रकांत खैरेंची स्पष्टोक्ती
जिल्हाधिकाऱ्यांकडून पाहणी
कार्तिकी यात्रेसाठी प्रशासन आणि मंदिर समितीने केलेल्या सोयी-सुविधांची पाहणी जिल्हाधिकारी कुमार आशीर्वाद यांनी मंगळवारी केली. दर्शन रांगेत पिण्याच्या पाण्याची व्यवस्था, शौचालयाची संख्या वाढवणे; तसेच त्यासाठी जादा स्वच्छता कर्मचारी नेमावेत. नगरपालिकेने चंद्रभागा वाळवंट कायम स्वच्छ राहील याची दक्षता घेऊन नदीपात्रातील खड्डे बुजवावेत. वाळवंट स्वच्छतेसाठी स्वच्छता कर्मचाऱ्यांची पथके नेमावीत. नदीपात्रात हायमास्ट दिव्यांसाठी जोडण्यात आलेली वीज जोडणी हलवावी. शहरातील आणि प्रदक्षिणा मार्गावरील अतिक्रमणे काढावीत, अनाधिकृत होर्डिंगवर कारवाई करावी, अशा सूचना जिल्हाधिकाऱ्यांनी दिल्या.