महापालिकेच्या ‘स्मार्ट आपत्ती व्यवस्थापन प्रकल्पा’ साठी महाप्रीत म्हणजेच ‘महात्मा फुले रिन्युएबल एनर्जी अँड इन्फ्रास्ट्रक्चर टेक्नॉलॉजी लिमिटेड’कडून नव्याने खोदकाम केलं जाणार आहे. शहराचा डिजिटल नकाशा (डिजिटल द्विन) तयार करण्यासाठी आणि फायबर केबल टाकण्यासाठी हे खोदकाम केलं जाणार आहे, पोलिस विभाग आणि महाप्रीत या दोन्ही विभागाकडून खोदकाम केलं जाणार असल्याने पालिकेने यात सुवर्णमध्य काढण्याचा प्रयत्न केला होता.
Pune News : रिंग रोडला आणखी विलंब, पहिल्या टप्प्यातील मार्गावर अडथळा; पुण्यातल्या या 44 गावातून जाणार वर्तुळाकार रस्ता
या दोन्ही कंपन्यांसाठी जवळपास 125 किलोमीटरहून अधिक केबल एकाच भागात टाकली जाणार होती. त्यामुळे एकाच वेळी हे काम करणं शक्य होतं. त्यानंतर खोदकाम केलेला रस्ता पूर्ववत करण्याची जबाबदारीही महाप्रीत कंपनीवर सोपवण्यात आली होती. त्यासाठी खोदकाम करणाऱ्या दोन्ही यंत्रणांमध्ये समन्वय असणं गरजेचं होतं. त्यासाठी पालिकेने बैठका घेऊनही हा समन्वय होऊ शकला नाही.

‘सीसीटीव्ही’ प्रकल्प ऑक्टोबर महिन्याच्या आत पूर्ण करायचा असल्याने पोलिसांच्या ठेकेदाराने आतापर्यंत बरेचसं खोदकाम पूर्ण केलं आहे. परंतु, ‘महाप्रीत’ने अद्याप खोदकाम केलेलं नसून तूर्तास ओव्हरहेड केवल टाकल्या जात आहेत. परंतु, या कंपनीलाही भूमिगत केबल टाकायच्या असून, त्यासाठी कंपनीला परवानगीही देण्यात आलेली आहे. लवकरच ही कंपनीही खोदकाम करून, भूमिगत केबल टाकण्याचं काम सुरू करणार आहे.

‘महाप्रीत’ ने तूर्तास ‘ओव्हरहेड’ केबल टाकली आहे. मात्र, त्यांना भूमिगत केबल टाकण्यासाठी मान्यता देण्यात आली आहे. त्यामुळे त्यांना खोदकाम करावं लागेल. पोलिसांच्या ‘सीसीटीव्ही’साठीचा ठेकेदार आणि ‘महाप्रीत’ने एकत्रित खोदकाम का केलं नाही, याची चौकशी केली जाईल,’ असं अतिरिक्त आयुक्त पृथ्वीराज वी. पी. यांनी सांगितलं.