नेमकं काय घडलं?

प्रेमजाळ्यात ओढून लग्नाचे आमिष दाखवित वेळोवेळी लैंगिक शोषण केल्याने तरुणी सहा महिन्यांची गर्भवती राहिली. नंतर मात्र लग्नास नकार दिल्याने पीडितेने पोलिसांत धाव घेतली. आपल्यावरील अत्याचाराबाबत प्रियकराच्या भावाला माहिती दिल्यानंतर त्यानेही धमक्या दिल्याची घटना नांदुरा पोलिस ठाण्याच्या हद्दीत घडली. याप्रकरणी पीडितेच्या तक्रारीवरून नांदुरा पोलिसांनी मुख्य आरोपी प्रियकर संदीप गणेश राखोंडे व त्याचा भाऊ मोहन राखोंडे या दोघांविरुद्ध विविध कलमांन्वये गुन्हे दाखल केले आहेत.Satara Crime : डॉक्टर तरुणी अन् प्रशांत रिलेशनशीपमध्ये होते, दुराव्यानंतर ‘त्या’ आजारामुळे पुन्हा एकत्र, पण… पोलीस तपासात धक्कादायक माहिती

आरोपी संदीपची पीडित तरुणीसोबत ओळख झाली. भेटीगाठीने त्यांचे प्रेम जुळले. नंतर 3 ते 7 मेदरम्यान आरोपीने शेगावच्या गेस्ट हाऊसमध्ये तिच्याशी शारीरिक संबंध प्रस्थापित केले. मलकापूर शेतशिवारातही त्याने तिचे लैंगिक शोषण केले. यातून युवती सहा महिन्यांची गर्भवती राहिली. तिने संदीपकडे लग्नाची गळ घातली असता तो नकार देऊ लागला. याबाबत पीडितेने संदीप याचा भाऊ मोहन यास सांगितली असता त्यानेही तिला धमकावले. आपल्यावरील अत्याचाराला वाचा फोडण्यासाठी तरुणीने नांदुरा पोलिसांत तक्रार दिली. याप्रकरणी पोलिसांनी बीएनएस कलम 64 (1), 64 (2) (एम) 69 कलमांन्वये संदीपसह मोहनविरुद्धही गुन्हे दाखल केले आहेत.

बंगळुरूमधील घटना

दरम्यान, बंगळुरूमधील डीजे हळ्ळी पोलीस ठाण्यात कार्यरत असलेल्या एका पोलीस निरीक्षकावर शहरातील एका ब्युटिशियनशी विवाहाचे आमिष दाखवून अनैतिक संबंध ठेवत फसवणूक केल्याचा आरोप करण्यात आला आहे. पीडित महिलेला दीड वर्षानंतर आपली फसवणूक झाल्याचे लक्षात आले आणि तिने 21 ऑक्टोबर 2025 रोजी कर्नाटक पोलिस प्रमुखांकडे तक्रार दाखल करून न्याय मागितला.

19 वर्षीय विद्यार्थिनीवर ॲसिड हल्ला प्रकरणात मोठा ट्विस्ट; वडीलच आरोपीच्या पिंजऱ्यात, धक्कादायक कारण समोर

पीडितेच्या म्हणण्यानुसार, ती आर्थिक फसवणूक झाल्याच्या तक्रारीसाठी पोलीस ठाण्यात गेली असता तिची भेट अधिकारी सुनील एच.बी. यांच्याशी झाली होती. त्यानंतर त्यांच्या ओळखीचं रूपांतर नात्यात झालं, पण अखेर त्या अधिकाऱ्याने विवाहाचे आश्वासन देऊन तिची फसवणूक केल्याचे आरोप करण्यात आले आहेत.