बुलढाणा जिल्ह्याच्या सिंदखेड राजा तालुक्यातील शिंदी येथील शिवाजी माणिकराव बुरकुल (६५) यांनी २१ ऑक्टोबरला विषारी औषध प्राशन केले. बराच वेळ होऊनही घरी न परतल्याने मुलांनी शेतात जावून पाहिले असता ही घटना निदर्शनास आली. बुलढाणा येथील जिल्हा शासकीय रुग्णालयात उपचार सुरू असताना २२ ऑक्टोबरला दुपारी त्यांचा मृत्यू झाला. बुरकुल यांच्यावर एका खासगी पतसंस्थेचे तीन लाखांचे कर्ज होते. कर्ज वसुलीसाठी नोटीस बजावण्यात आली होती. सततची नापिकी, वाढते कर्ज आणि अतिवृष्टी अशा तिहेरी पेचात सापडल्याने कर्ज कसे भरणार, या विवंचनेतच बुरकुल यांनी मृत्यूला कवटाळले.
विदर्भाला दिवाळी भेट; मुख्यमंत्र्यांकडून महत्त्वाकांक्षी प्रकल्पांची घोषणा, कोट्यवधींचा खर्च करणार

शेतकरी महिलेने घेतला गळफास
बँकेचे कर्ज काढून खरिपात सोयाबीनची लागवड केली. पीक आल्यानंतर कर्ज फेडू या आशेवर असतानाच अतिवृष्टीने घात केला. आता कर्ज कसे फेडायचे या विवंचनेत असलेल्या नांदगाव खंडेश्वर तालुक्यातील जावरा मोळवण येथील माला महादेव मेश्राम (५२) या शेतकरी महिलेने आत्महत्या केली. लक्ष्मीपूजनाच्या दिवशी सायंकाळी आठ वाजता ही घटना घडली.

पाच दिवसांत पाच घटना
यवतमाळ जिल्ह्याच्या केळापूर तालुक्यातील सुसुरी येथील रवी मोतिराम गेडाम (४०) यांनी गुरुवारी घरातच गळफास घेऊन आत्महत्या केली. मागील पाच दिवसांतील जिल्ह्यातील ही पाचवी शेतकरी आत्महत्या आहे. रवी यांची पत्नी मुलांना घेऊन भाऊबीजेसाठी माहेरी गेली होती. लहान भाऊ भीमरावला दाराची कडी आतमधून लावलेली दिसल्याने त्यांनी आवाज दिला. प्रतिसाद न मिळाल्याने शेजारच्या मदतीने त्यांनी दार तोडले.रवी घरात गळफास लावल्याचे दिसून आले.
मुख्यमंत्री देवेंद्र फडणवीसांचं वक्तव्य: ‘शहरी नक्षलवाद हे नव्या युगातील सर्वात मोठं आव्हान, तर काँग्रेस अल्ट्रा लेफ्टिस्ट विचारांनी ग्रस्त’
अमरावती जिल्ह्याच्या मोर्शी तालुक्यातील निंभी येथे एका शेतकऱ्याने मंगळवारी; दिवाळीच्या दिवशी विषारी औषध घेऊन आत्महत्या केली. राहुल यशवंत छापाने, असे त्यांचे नाव आहे. त्यांच्याकडे सहा एकर शेत आहे. खरीपात त्यांनी सोयाबीनची लागवड केली. अतिवृष्टीमुळे यातून लागवड खर्चही निघणे कठीण झाले. कर्ज कसे फेडणार या विवंचनेतून त्यांनी आत्महत्या केली.