आधी त्यांचा कागद तपासा

‘वैयक्तिक टीका हा भाग घेऊ नका. मी माझ्या शहराचं वैशिष्ट्य आणि माझ्या शहराची परंपरा सांगितली. आम्हा सगळ्यांची ही जबाबदारी आहे की, या शहराचं वैभव टिकवणं या शहराची परंपरा कायम राखणं ही त्यामागची भावना आहे. माझ्यावर महायुतीतील नेते नाही हो एकच माणूस बोलत आहे आणि त्याच्यावर बोलायचं मी सोडून दिलं आहे. माझं स्पष्टीकरण त्या दिवशीच मी दिलंय. एकच व्यक्ती आहे हो त्याला काय बोलायचं आता उठ सूट बोलतोय. माझी माध्यमांना सुद्धा विनंती आहे या शहरातलं वातावरण बिघडवणाऱ्या लोकांच्या मुलाखती घेताना आधी त्यांचा कागद तपासा त्यांच्याकडून पुरावे घ्या आणि बिनधास्त तासतासभर मुलाखती लावा. हे आरोप व्यक्तिगत आहेत. ज्या वेळेस लोकसभा, विधानसभा निवडणूक झाली त्यामुळे राजकीय नैराश्यातून वैफल्यग्रस्त माणसाकडून दुसरी काय अपेक्षा करणार.’ असं म्हणत मोहोळ यांनी धंगेकर यांना टोला लागवला आहे.

‘लाज या नावाचा काही शब्द असेल तर राजीनामा होईल’, रवींद्र धंगेकरांनी केली मोहोळांच्या राजीनाम्याची मागणी

पाच वर्षापूर्वी काय घडलं?

तर, बिल्डर निलेश नवलखा यांनी मोहोळ यांनी जैन म्हणून आपल्याला त्रास दिला या आरोपवार सुद्धा मोहोळ यांनी उत्तर दिले आहे. ते म्हणाले, मी त्याची माहिती घेतली. या शहराचा महापौर म्हणून काम करत असताना शहरातले अनेक नागरिक वेगवेगळ्या समस्या घेऊन माझ्याकडे येत असतात. पाच वर्षापूर्वी काय घडलं हे मला आठवलं देखील नाही काल तो व्हिडिओ पाहिल्यावर माझ्या लक्षात आलं. बाणेर बालेवाडी परिसरातील बालवडकर नावाचे काही शेतकरी त्यावेळी माझ्याकडे आले होते. त्यांनी मला सांगितलं की या बिल्डरने खोटी मोजणी करू हा प्लॅन सँगशन केला आहे. त्याच्यामध्ये काहीतरी अनियमित्ता आहे काहीतरी चुकीचं घडलं असं त्यांनी मला सांगितलं. मी जेव्हा प्रशासनाकडून माहिती घेतली तेव्हा त्यापूर्वीच प्रशासनाने यावर स्टे दिलेला होता. मी तर आता महापालिकेत नाही महापालिका सोडून मला पाच वर्ष झाली त्यानंतर तीन वर्ष मी लोकप्रतिनिधी सुद्धा होतो. त्यामुळे कोणी उठायचं काहीही आरोप करायचे या मागे चावी देणारा कोणीतरी वेळगा असेल त्याकडे मी लक्ष देत नाही आणि मला त्यावर बोलायचं पण नाही.’ असं मोहोळ म्हणालेत.

Punew News: ‘त्या’ व्हिडिओवर मुरलीधर मोहोळांचं स्पष्टीकरण, रवींद्र धंगेकरांवर केली जोरदार टीका

काल दुसरा एक व्हिडिओ

तर, शिवसेना नेते संजय राऊत यांनी मुरलीधर मोहोळ यांच्यावर टीका केली त्यावर सुद्धा मुरलीधर मोहोळ यांनी उत्तर दिल आहे. ‘मी या विषयात स्पष्टीकरण दिलेल आहे त्यामुळे या विषयात पुन्हा-पुन्हा स्पष्टीकरण देण्याची गरज मला वाटत नाही. मी माझ्या पुणेकरांसाठी ते स्पष्टीकरण दिलेलं आहे. विशाल गोखले माझा मित्र होता आहे आणि तो राहणार आहे यात काही बदल नाही. पाच वर्षांपूर्वीचा एक व्हिडिओ काढला आणि त्यावरून टीका केली तो काही कालचा व्हिडिओ नाही. काल दुसरा एक व्हिडिओ आला त्यात मेन्स एवेन्यूची कोणीतरी जाहिरात करत होतो मग हे काय पार्टनर आहेत का त्याचे. माझं म्हणणं आहे की या शहराची एक राजकीय संस्कृती आहे ती खराब होऊ नये एक माणूस या संस्कृतीची वाट लावून टाकत आहे. सगळ्यांनी सावध राहा. तर, राऊत साहेब रोज काहीतरी बोलत असतात त्यांना किती सिरीयसली घ्यायचं हे तुम्हीचं ठरवा. असं मोहोळ म्हणालेत.

मावळच्या राजकारणात मोठा ट्विस्ट: मामा-भाच्याच्या राजकीय स्ट्रोकने नव्या चर्चांना उधाण

…तर स्वबळावर लढणार

येत्या काही दिवसात पुणे महानगरपालिकेच्या निवडणुका होत आहेत. अशामध्ये महायुतीमध्ये बेबनाव असताना या निवडणुका भाजप आणि शिवसेना एकत्र लढणार का? असा प्रश्न उपस्थित होत असताना यावर मुरलीधर मोहोळ यांनी आपली भूमिका स्पष्ट केली आहे. ‘राज्यस्तरावर आमची महायुती आहे आमचे वरिष्ठ नेते जो आदेश देतील तोच आम्हा सगळ्यांना पाळावा लागेल. महायुतीचे मोठे नेते जो निर्णय घेतील तोच आम्हा सगळ्यांना मान्य करावा लागेल. मागच्या आठवड्यात एक बैठक झाली. त्यावेळेस आमच्या नेतृत्वाने आम्हाला सांगितलं की स्थानिक पातळीवर या संदर्भात निर्णय घ्यावे लागतील. त्यामुळे जेव्हा पुण्यात काय करायचं असा विचार येईल तेव्हा चेंडू आमच्या कोर्टात येईल. मात्र, आता तरी आमचे वरिष्ठ नेते जे सांगतील तोच निर्णय आहे मान्य करणार आहोत. तर, मुख्यमंत्र्यांनी आदेश दिल्यानंतर स्वबळावर लढू, देवेंद्र फडणवीस यांनी सांगितलं तर आम्ही स्वबळावर नक्की लढू आम्हाला काहीही अडचण नाही. असं मोहोळ यांनी स्पष्ट केल आहे.