भा.न्या.संहिता कलम 194(2) अंतर्गत दुसऱ्या एका गुन्ह्यातील आरोपींचा शोध घेत असताना बारामती तालुका पोलिसांना गोपनीय माहिती मिळाली की, समर्थ मल्हारे हा इसम तलवार बाळगत आहे. त्यानंतर पोलीस निरीक्षक चंद्रशेखर यादव यांनी तात्काळ सुत्रे हलवली. त्यांच्या मार्गदर्शनाखाली पोलिसांनी एमआयडीसी परिसरातील श्रायबर डायनामिक्स डेअरीच्या शेजारच्या परिसरात छापा टाकून मल्हारे यास ताब्यात घेतले. चौकशीत त्याने तलवार घरी ठेवल्याचे सांगितल्यावर पोलिसांनी त्याच्या घराची झडती घेतली असता एक तलवार आणि लोखंडी कोयता मिळून आला.

Washim Crime : ‘छेडछाडीची तक्रार का दिली?’, बेदम मारहाण करत तरुणाला संपवलं; ‘माझा भाऊ परत आणून द्या’ म्हणत कुटुंबाचा आक्रोश

या प्रकरणी आरोपीविरुद्ध बारामती तालुका पोलिस ठाण्यात भारतीय हत्यार कायदा कलम 4, 25 अंतर्गत गुन्हा नोंदविण्यात आला आहे. ही कारवाई पुणे ग्रामीण पोलीस अधीक्षक संदीपसिंह गिल्ल, अप्पर पोलीस अधीक्षक गणेश बिरादार, उपविभागीय अधिकारी सुदर्शन राठोड यांच्या मार्गदर्शनाखाली पोलीस निरीक्षक चंद्रशेखर यादव, सहाय्यक पोलीस निरीक्षक विक्रम पवार, उपनिरीक्षक कल्याण शिंगाडे, अंमलदार केदारनाथ बिडवे, दादा दराडे, किशोर वीर, निलेश वाकळे, विलास खाडे, रवींद्र सोनवलकर आणि राहुल लांडगे यांच्या पथकाने केली.

Pune Crime: आमची तक्रार करतो काय, मारू का? हाती कोयता घेत धमकावलं, दगडाने डोकं फोडलं, पुण्यात दहशत
दरम्यान, कल्याण येथील मोहने पोलीस चौकी परिसरात काल रात्री फटाक्याचे स्टॉल लावण्यावरून दोन गटांमध्ये तुफान राडा झाला. दोन्ही गटांनी पोलिसांसमोरच दगडफेक आणि तोडफोड करत एकमेकांवर हल्ला केला, ज्यात काही जण जखमी झाले. या घटनेनंतर परिसरात तणावाचे वातावरण निर्माण झाले होते. पोलिसांनी जखमींच्या जबाबानंतर दोन्ही गटांवर गुन्हा नोंदवला असून, काही आरोपींना ताब्यात घेतले आहे तर इतर फरार आरोपींचा शोध सुरू आहे. दोन्ही घटना पोलिसांच्या तत्पर कारवाईमुळे नियंत्रणात आल्या असून, स्थानिक पोलिसांनी नागरिकांना अफवांवर विश्वास न ठेवण्याचे आवाहन केले आहे.