रत्नागिरी जिल्ह्यात खेड तालुक्यातील लोटे परशुराम औद्योगिक क्षेत्रातील संत ज्ञानेश्वर माऊली जीवनमुक्त गुरुकुल या अध्यात्मिक शिक्षण देणाऱ्या शाळेत पुन्हा एक नवीन वाद निर्माण झाला आहे. या शाळेतील वर्गाचा मॉनिटर असलेल्या विद्यार्थ्याने इतर विद्यार्थ्यांशी गैरवर्तन केल्याच्या आरोपावरुन खेड पोलिस ठाण्यात गुन्हा दाखल करण्यात आला आहे. या गुरुकुलच्या हॉलमध्ये शिकणाऱ्या अल्पवयीन विद्यार्थ्यांचे नग्न फोटो काढून कुणालाही काही सांगायचे नाही, अशी धमकी देत ब्लॅकमेलिंग करण्याचा प्रयत्न केल्याची तक्रार खेड पोलीस ठाण्यात दाखल झाली आहे

वर्गाचा हा मॉनिटर इतर विद्यार्थ्यांचे नग्न फोटो आणि व्हिडिओ आपल्या मोबाईलमध्ये काढून त्यांना ब्लॅकमेल करत असल्याचा आरोप आहे. तसेच गुरुकुलातील काही विद्यार्थ्यांना काही पदार्थांचे व्यसन करण्यास देखील हा भाग पाडत होता, असे तक्रारीत नमूद करण्यात आले आहे. एका विद्यार्थ्याच्या पालकांनी ही तक्रार दिल्यानंतर त्या अल्पवयीन मॉनिटरवर खेड पोलीस ठाण्यात गुन्हा दाखल करण्यात आला आहे.
Amit Bhangare : ‘आम्ही बाप बदलत नाही, माझा राजकीय बाप शरद पवारच’ म्हणणारा बडा नेता विखेंच्या भेटीला, तुतारी सोडून कमळ धरणार?
गेल्या आठवड्यापासून या गुरुकुलाचा प्रमुख कोकरे महाराज याच्यावर विद्यार्थिनींच्या विनयभंगा प्रकरणी पॉस्को अंतर्गत दोन गुन्हे दाखल झाले असतानाच पुन्हा हा रॅगिंगसारखा प्रकार समोर आल्याने खळबळ उडाली आहे.या संदर्भात गुन्हा रजिस्टर नंबर 0315/2025 भारतीय न्याय संहिता अधिनियम 2023 चे कलम 74, 79, 131, 352, 351(2) अंतर्गत गुन्हा नोंदवण्यात आला आहे.

फिर्यादीत नमूद केल्याप्रमाणे, तक्रारदाराची दोन मुले संबंधित गुरुकुल शाळेत शिक्षण घेत आहेत. या शाळेतील मॉनिटर हा काही विद्यार्थ्यांशी गैरवर्तन करत असल्याची माहिती समोर आली आहे. ही घटना सप्टेंबर 2025 मध्ये घडल्याचे नमूद करण्यात आले आहे. या प्रकरणाचा तपास पोलीस निरीक्षक विवेक अहिरे यांच्या मार्गदर्शनाखाली सुरू आहे.
Ladki Bahin : भाऊबीजेच्या तोंडावर लाडक्या बहिणींना खुशखबर, महायुती सरकारचा मोठा निर्णय, 1500 चा हप्ता तर मिळणारच आणि…
दरम्यान, या गुरुकुलाचा प्रमुख ह.भ.प. भगवान कोकरे महाराज याच्यावरही यापूर्वी एका स्वतंत्र प्रकरणात पॉस्को कायद्यांतर्गत गुन्हा दाखल असून, त्याला न्यायालयाने 31 ऑक्टोबर 2025 पर्यंत न्यायालयीन कोठडी सुनावली आहे. या नव्या प्रकरणामुळे गुरुकुलाच्या कार्यपद्धतीवर पुन्हा एकदा प्रश्नचिन्ह निर्माण झाले असून, प्रशासनाच्या पुढील कारवाईकडे सर्वांचे लक्ष लागले आहे.