या प्रकरणी पुण्यातील कोथरुड परिसरातील महात्मा सोसायटी रस्ता येथे राहणाऱ्या व्यक्तीने तक्रार दिली आहे. ही घटना २३ सप्टेंबर २०२५ ते आठ ऑक्टोबर २०२५ या कालावधीत घडल्याची माहिती आहे. पोलिसांनी अज्ञात व्यक्तीच्या विरोधात गुन्हा दाखल केला आहे.

काय आहे प्रकरण?

पोलिसांनी दिलेल्या माहितीनुसार, ‘तक्रारदाराला अनोळखी मोबाइल क्रमांकावरुन एकाने फोन केला. आपण ‘एनआयए’मधील प्रमुख अधिकारी असल्याचे त्याने खोटे सांगितले. तुमच्या नावे ‘पहलगाम हल्ल्यातील दहशतवाद्यांशी संबंधित केस’ आहे. तुमच्या बँक खात्यांतून रक्कम दहशतवाद्यांना पुरवण्यात आली आहे. तपासात सहकार्य करा,’ असे त्या व्यक्तीने तक्रारदाराला सांगितले. अचानक आलेल्या या फोनमुळे संबंधित तक्रारदार घाबरुन गेले.
Latur Crime : कुटुंबाचा प्रेमसंबंधांना विरोध, MPSC करणाऱ्या तरुणाने नर्स प्रेयसीसह आयुष्य संपवलं, नितीन-राणीचा करुण अंत
तक्रारदार घाबरल्याचा गैरफायदा घेऊन चोरट्याने बँक खात्यांची पडताळणी करायची आहे, असा बहाणा केला. या तपासणीसाठी तुमच्या खात्यातील सर्व रक्कम तात्पुरती जमा करावी लागेल, असेही भामट्याने सांगितले. त्यावर विश्वास ठेवून तक्रारदाराने विविध बँक खात्यांतून एक कोटी ४४ लाख ६० हजार रुपये चोरट्याला पाठवले. मात्र, बरेच दिवस उलटूनही रक्कम परत न मिळाल्याने तक्रारदाराने पोलिसांकडे धाव घेतली.

त्यांच्या तक्रारीवरून सायबर पोलिस ठाण्यात भारतीय न्याय संहितेच्या विविध कलमांसह माहिती तंत्रज्ञान अधिनियम २००० मधील कलम ६६(डी) अन्वये गुन्हा नोंदविण्यात आला आहे.
Parbhani Crime : मित्र-मैत्रीण गप्पा मारत होते, सहा जण आले, तरुणीला ओढून नेत तिघांकडून सामूहिक अत्याचार, महाराष्ट्र हादरला
कोणत्याही अनोळखी व्यक्तीने स्वत:ला सरकारी अधिकारी किंवा तपास यंत्रणेचा सदस्य सांगून फोन केल्यास आणि पैसे मागितल्यास त्यांना प्रतिसाद देऊ नये आणि त्वरित सायबर पोलिस ठाण्याशी संपर्क साधावा, असे आवाहन पोलिसांनी केले आहे.