परंडा तालूक्यातील शेळगाव जिल्हा परिषद गटातून देवगाव बुद्रुक येथिल सामाजिक कार्यकर्ते दिनेश मांगले यांनी निवडणूक लढवावी, या मागणीसाठी शेळगाव गटातील ग्रामस्थांनी शनिवार दि १८ ऑक्टोबर रोजी पासून दिनेश मांगले यांच्या घरा समोर बेमुदत उपोषण सुरू केले आहे. ग्रामस्थांनी हे उपोषण सुरू केल्याची माहिती मिळताच मांगले यांनी पुणे येथून गावाकडे धाव घेतली आहे. रात्री उपोषणस्थळी पोहचून त्यांनी उपोषणकर्त्यांशी चर्चा केली व उपोषण मागे घेण्याची विनंती केली आहे.
‘बाबासाहेबांचं स्वप्न या एका जीआरने संपलंय…’; लक्ष्मण हाकेंचा दावा, मुख्यमंत्री देवेंद्र फडणवीसांना लिहिलेलं पत्र चर्चेत
दरम्यान, या उपोषणात जेकटेवाडीचे ग्रांम पचायत सदस्य तुकाराम खामकर, चिंचपूर बुद्रुक येथिल जॉकी शिंदे, गोसावीवाडीचे दत्ता आरे यांचा समावेश आहे.
दिनेश मांगले यांच्या घरासमोर सुरू असलेल्या या उपोषणाला पाठींबा देण्यासाठी शेळगाव गटातील जवळपास १५ नागरीक आहेत. यामध्ये महिलांचाही समावेश आहे. दरम्यान आथा चर्चेअंती काय निर्णय होणार याकडे संपूर्ण तालुक्याचे लक्ष लागले आहे.

दरम्यान, निवडणूक लढवण्याच्या मागणीसाठी उपोषण करणे ही परंडा तालुक्याच्या इतिहासातील पहलीच घटना आहे.

मलकापूरमध्ये फटाका केंद्राला भीषण आग, लाखो रुपयांचे नुकसान

अकोला शहरातील मलकापूर भागात स्थित गोपाल फटाका केंद्राला भीषण आग लागली. या आगीत लाखो रुपयांचे फटाके जळून खाक झाले आहेत. प्राथमिक माहितीनुसार ही आग शॉर्टसर्किटमुळे लागल्याचे समोर आले आहे.आग लागल्याचे लक्षात येताच दुकानमालकाने अग्निशमन सिलेंडरच्या साहाय्याने ती विझविण्याचा प्रयत्न केला. मात्र, यावेळी तो किरकोळ जखमी झाला आहे. घटनेची माहिती मिळताच अग्निशमन दलाच्या जवानांनी घटनास्थळी धाव घेत अथक प्रयत्नांनंतर आग आटोक्यात आणली. स्थानिक नागरिकांच्या तत्पर सहकार्यामुळे मोठा अनर्थ टळला.

दरम्यान, फटाके विक्रीसाठी अग्निशमन दल, पोलीस विभाग आणि संबंधित प्रशासनाची परवानगी घेणे बंधनकारक असते. परंतु, सदर दुकानदाराकडे कोणतीही अधिकृत परवानगी नव्हती, अशी माहिती सूत्रांनी दिली आहे.मिळालेल्या माहितीनुसार, अकोला शहरात सुमारे १२० फटाके दुकाने अवैधरित्या सुरू आहेत. प्रशासनाचे याकडे सर्रास दुर्लक्ष होत असल्याने नागरिकांच्या जीवाशी मोठा धोका निर्माण झाला आहे त्यामुळे आता संबंधित विभाग याकडे लक्ष देतील का, असा सवाल उपस्थित होत आहे.