उच्च न्यायालयाच्या आदेशानंतर गुन्हा दाखल

उच्च न्यायालयाच्या छत्रपती संभाजीनगर खंडपीठाच्या आदेशानंतर तोफखाना पोलीस ठाण्यात सहा नामांकित डॉक्टर आणि अनोळखी कर्मचाऱ्यांविरोधात गंभीर गुन्हा दाखल करण्यात आला आहे. या घटनेने अहिल्यानगरच्या वैद्यकीय क्षेत्रात तीव्र संताप आणि खळबळ उडाली आहे. फिर्यादी अशोक बबनराव खोकराळे यांच्या तक्रारीनुसार, त्यांचे वडील बबनराव खोकराळे यांना 13 ऑगस्ट 2020 रोजी किरकोळ घशात खवखव आणि बद्धकोष्ठतेचा त्रास होत असल्याने उपचारासाठी नेण्यात आलं.
तो फोटो अखेरचा ठरला…. जिवलग मित्रांचा एकाच वेळी अंत; दर्शनानंतर परत येताना भीषण अपघातात मैत्रीचा शेवट
मात्र रुग्णालयातील डॉक्टरांनी खोटा आरटीपीसीआर रिपोर्ट तयार करून जबरदस्तीने कोविड सेंटरमध्ये दाखल केलं. त्यानंतर कुटुंबियांना रुग्णाशी भेटण्यास स्पष्ट मनाई करण्यात आली. 18 ऑगस्ट रोजी रुग्णालयाने 1 लाख 84 हजार रुपयांचं बिल भरल्यानंतरच रुग्णाच्या मृत्यूची माहिती दिली. त्यानंतर मृतदेह मिळवण्यासाठी जिल्हा रुग्णालय आणि महानगरपालिकेकडे संपर्क साधावा, असं सांगण्यात आलं. मात्र, आजतागायत मृतदेहाचा काहीच मागमूस लागलेला नाही.
Jalna News : अंगावर लोखंडी सळ्या पडल्या, कामगाराचा तडफडून मृत्यू; माझी लेकरं उघड्यावर पडली, पत्नीचा टाहो

फसवणूक, कटकारस्थान आणि मृत्यूस कारणीभूत

या प्रकरणात अहिल्यानगरमधील नामांकित रुग्णालयाचे डॉ. गोपाळ बहुरुपी, डॉ. सुधीर बोरकर, डॉ. सचिन पांडुळे, डॉ. अक्षयदीप झावरे, डॉ. मुकुंद तांदळे तसंच विखे पाटील मेमोरिअल रुग्णालय लॅबचे तज्ञ डॉक्टर यांच्यावर फसवणूक, कट कारस्थान आणि मृत्यूला कारणीभूत ठरल्याचे गंभीर आरोप करण्यात आले आहेत.

फिर्यादी अशोक खोकराळे म्हणाले…

रुग्णाला बेडला बांधून ठेवलं, धमकावलं, अन्न न देता छळ केला. शिवाय, एकाच दिवशी दोन वेगवेगळ्या हॉस्पिटलमध्ये दाखवून बिलं फुगवण्यात आली. पुरावे नष्ट करण्यासाठी आणि अवयव तस्करीच्या हेतूने मृतदेहाची परस्पर विल्हेवाट लावल्याचा गंभीर आरोप करण्यात आला आहे. माझ्या वडिलांचा मृतदेह आजतागायत सापडलेला नाही. खोटा करोना रिपोर्ट तयार करून रुग्णालयाने पैशांची उकळी केली. सर्व काही काळोखात लपवण्यात आलं. हे आरोग्यसेवेचं नाही, तर थेट गुन्हेगारीचं रॅकेट आहे, असे आरोप त्यांनी केले आहेत.