काँग्रेसने नुकत्याच झालेल्या विधानसभा निवडणुकीतील पक्षाच्या पराभवानंतर पक्षाला ऊर्जितावस्था आणण्यासाठी प्रामाणिकपणा या सद्गुणामुळे या पदासाठी अनेक दिग्गज नेते इच्छुक असताना प्रदेशाध्यक्षपदाची धुरा हर्षवर्धन सपकाळ यांच्याकडे सोपविली होती. दिल्लीश्वरांचा आशीर्वाद घेऊन आलेले प्रामाणिक, गांधीवादी नेते जनतेत जाऊन पक्षाची मजबूत बांधणी करतील शिवाय तरुणाईलाही आकर्षित करतील, असा पक्षश्रेष्ठींचा त्यांच्या नियुक्तीमागे होरा असावा. मात्र, काँग्रेसच्याच एका जुन्या कार्यकर्त्याच्या म्हणण्यानुसार त्यांचा प्रामाणिकपणा हा सात्विक भोजनाप्रमाणे पोटाला बाधणार नाही. मात्र, अंगालाही लागणार नाही असा आहे.
Shrikant Shinde: मराठी माणूस मुंबईबाहेर गेला तेव्हा कुठे होते? श्रीकांत शिंदेंची ठाकरे बंधूंवर खरमरीत टीका
काँग्रेस प्रदेशाध्यक्ष हर्षवर्धन सपकाळ यांच्या शनिवारी दिवसभरात ‘एक्स’वरील पोस्टना पाच ते दहा लाइक असून, एखाद-दुसरी पोस्ट ‘रिट्विट’ करण्यात आल्याचे दिसून येते. एखाद्या ट्विटला केवळ तीन-चार कमेंट्स दिसतात. सपकाळ यांच्या ‘एक्स’वरील बहुतांश पोस्टवर एकही कमेंट करण्यात आलेली नाही. गेल्या अनेक दिवसांत ‘एक्स’वरील हे चित्र असेच कायम दिसून आले आहे. त्याशिवाय त्यांच्या ‘एक्स’वरील पोस्टच्या ‘इंप्रेशन्स’च्या बाबतीत तपासणी केली असता प्रत्येक पोस्टला साधारण ९० ते १३० इंप्रेशन्स असून, एखाद्या पोस्टनेच ३०० चा आकडा पार केल्याचे दिसून येत आहे. मात्र, ३०० जणांनी पोस्ट पाहूनही लाइक न देणे अथवा कमेंट न करणे हे नक्कीच विचार करण्यासारखे आहे.

सध्याच्या घडीला जवळपास सर्वच राजकीय पक्षांनी सोशल मीडिया प्रमुखांची नियुक्ती केली असून, काँग्रेस पक्षाकडेही सोशल मीडिया सेल आहे. मात्र, त्यानंतरही प्रदेशाध्यक्षांच्या ‘एक्स’वरील अधिकृत खात्याला मिळत असलेला प्रतिसाद पाहता काँग्रेसचे कार्यकर्तेदेखील प्रदेशाध्यक्षांच्या पोस्टना गांभीर्याने घेत नाहीत, की प्रदेशाध्यक्षांनाच सोशल मीडिया हा केवळ आभासी आहे, त्याने पक्षाला फारसा फायदा होणार नाही असे वाटते, अशा प्रश्न जाणकारांना पडला आहे.
दिवाळीत रेल्वेप्रवाशांचा खोळंबा! मध्य रेल्वेवर रविवारी ब्लॉक, ‘या’ मेल-एक्स्प्रेस उशिराने धावणार, पाहा वेळापत्रक
बड्या नेत्यांचे दुर्लक्ष
काँग्रेस प्रदेशाध्यक्षांच्या ‘एक्स’वरील पोस्टकडे पक्षातील बड्या नेत्यांचे दुर्लक्ष जबाबदार असल्याचे मत पक्षातील काही पदाधिकाऱ्यांकडून सांगण्यात येत आहे. हजारो आणि लाखोंच्या घरात फॉलोअर्स असणाऱ्या इतर अनेक नेत्यांकडून हर्षवर्धन सपकाळ यांची पोस्ट रिट्विटही केली जात नसल्याने त्याचाही फटका बसत असल्याचे सांगितले जात आहे. तर काहींनी अंतर्गत वादामुळेच हा प्रकार घडत असल्याचे सांगितले.
‘डिजिटल अटके’चे धागेदोरे चीनपर्यंत; मुंबईत टोळी अटकेत, देशभरातील ३१ गुन्ह्यांची उकल
सोशल मीडिया टीमला तंबी
गेल्या अनेक दिवसांपासून हर्षवर्धन सपकाळ यांच्या सोशल मीडियावरील या चित्राबाबत पक्षाअंतर्गत खलबते सुरू असल्याची माहिती सूत्रांकडून देण्यात आली आहे. काही दिवसांपूर्वीच पक्षाच्या सोशल मीडियाच्या टीमची एक बैठकही पार पडली होती. या बैठकीतही याबाबत चिंता व्यक्त करण्यात आली होती. या बैठकीतच टीमला याकडे लक्ष देण्याची सूचना करण्यात आल्यानंतरही अद्याप याकडे दुर्लक्ष सुरू असल्याने पक्षाअंतर्गत चर्चेला उधाण आले आहे.