BMC Diwali Bonus : बृहन्मुंबई महानगरपालिकेने दीपावली 2025 निमित्ताने आपल्या कर्मचाऱ्यांना आणि संबंधित शिक्षक-कर्मचाऱ्यांना बोनस जाहीर केले आहेत. पालिका आयुक्त भूषण गगराणी यांनी याबाबत घोषणा केलीय. विविध श्रेणीतील कर्मचाऱ्यांना 31 हजार रुपये, तर काही विशिष्ट गटांना भाऊबीज भेट म्हणून 5 हजार ते 14 हजार रुपये देण्याचा निर्णय घेतला आहे.
मुंबई : बृहन्मुंबई महानगरपालिकेतील अधिकारी आणि कर्मचाऱ्यांसाठी यंदाची दिवाळी गोड होणार आहे. महानगरपालिका आयुक्त तथा प्रशासक भूषण गगराणी यांनी आज, गुरुवार 16 ऑक्टोबर 2025 रोजी दीपावली 2025 निमित्त कर्मचाऱ्यांसाठी घसघशीत BMC Bonus जाहीर केला आहे. महानगरपालिकेचे अधिकारी, कर्मचारी, शिक्षक आणि शिक्षकेतर कर्मचाऱ्यांना तब्बल 31,000 रुपये बोनस मिळणार आहे. प्रशासनाच्या या निर्णयामुळे हजारो कर्मचाऱ्यांमध्ये आनंदाचं वातावरण आहे.कोणत्या कर्मचाऱ्यांसाठी बोनस जाहीर?
इतर कर्मचाऱ्यांसाठी भाऊबीज भेट
कोणत्या कर्मचाऱ्यांसाठी बोनस जाहीर?
महापालिका आयुक्त भूषण गगराणी यांनी जाहीर केल्यानुसार खालील श्रेणीतील अधिकारी आणि कर्मचाऱ्यांसाठी प्रत्येकी 31,000 रुपये बोनस देण्यात येणार आहे.महानगरपालिका अधिकारी / कर्मचारीअनुदान प्राप्त खासगी प्राथमिक शाळा शिक्षक / शिक्षकेतर कर्मचारी
महानगरपालिका प्राथमिक शाळेतील तसेच अनुदानप्राप्त खासगी प्राथमिक शाळेतील शिक्षण सेवक
माध्यमिक शाळेतील शिक्षक / शिक्षकेतर कर्मचारी (अनुदानित / विनाअनुदानित)
माध्यमिक शाळेतील शिक्षण सेवक (अनुदानित/विनाअनुदानित)
अध्यापक विद्यालय अधिव्याख्याते / शिक्षकेतर कर्मचारी (अनुदानित/विनाअनुदानित)
अध्यापक विद्यालय शिक्षण सेवक (पूर्ण वेळ) (अनुदानित/विनाअनुदानित)
DEA अधिकारी बनून विदेशी नागरिकांना लुबाडायचे; बोरिवलीचा फ्रान्सिस होता स्पेशल एजंट, बंगळुरूमध्ये डिजिटल अरेस्ट रॅकेटचा पर्दाफाश
इतर कर्मचाऱ्यांसाठी भाऊबीज भेट
सामाजिक आरोग्य स्वयंसेविका : 14,000 रुपये भाऊबीज भेट
बालवाडी शिक्षिका / मदतनीस: 5,000 रुपये भाऊबीज भेट
दरम्यान, महापालिकेच्या या निर्णयामुळे कर्मचारी आणि शिक्षकांना सणासुदीच्या काळात मोठा आर्थिक आधार मिळणार आहे. दिवाळीच्या खेरदीसाठी, घरगुती खर्चासाठी आणि उत्सव साजरा करण्यासाठी हा पैसा उपयुक्त ठरणार आहे. कर्मचाऱ्यांनीही या निर्णयाचं स्वागत करत ‘ही दिवाळी खास बनवणारा निर्णय’ असल्याची प्रतिक्रिया दिली आहे.
‘नाहीतर आडवे करू’, शिंदेंच्या बालेकिल्ल्यात महायुतीत राजकारण तापलं, KDMC निवडणुकांआधी काय घडतंय?
BMC ने आपल्या सर्व अधिकारी आणि कर्मचाऱ्यांना दीपावलीनिमित्त 31 हजार रुपयांचा बोनस जाहीर केला आहे. यामध्ये पालिकेच्या प्राथमिक आणि माध्यमिक शाळांमधील शिक्षक, शिक्षकेतर कर्मचारी, तसेच अनुदानित आणि विनाअनुदानित शाळांमधील शिक्षण सेवकांचा समावेश आहे. हा निर्णय कर्मचाऱ्यांचे मनोबल वाढवणारा असल्याचं म्हटलं जात आहे. दरम्यान, पालिकेच्या आणि खासगी अनुदानित प्राथमिक शाळांमधील शिक्षक, शिक्षण सेवक आणि माध्यमिक शाळांमधील कर्मचाऱ्यांना ३१ हजार रुपये मिळणार आहेत. याशिवाय, अध्यापक विद्यालयातील अधिव्याख्याते आणि पूर्णवेळ शिक्षण सेवकांनाही याच रकमेचा लाभ मिळेल.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा