बदलापुरात शिवसेना आणि भाजप या दोन्ही पक्षांची मोठी ताकद आहे. मात्र भाजप आमदार किसन कथोरे आणि शिवसेना शहरप्रमुख वामन म्हात्रे यांच्यात वाद असल्यामुळे युती होणार की नाही याबाबत गेल्या अनेक दिवसांपासून चर्चा सुरु होत्या. दोन्ही पक्षांकडून इच्छुकांना गळाला लावण्याचं काम सुरु आहे. बदलापुरात पक्षप्रवेशाचे कार्यक्रम सुरु असतानाच भाजप आणि राष्ट्रवादी यांनी युती करत शिंदेंना मोठा धक्का दिलाय.
Nilesh Rane : राजन तेलींची नितेश राणेंवर टीका, निलेश ‘दादा’ने विषय संपवला; म्हणाले, शिवसेनेत प्रवेश करण्यापूर्वीच…
महत्त्वाचं म्हणजे मागच्या आठवड्यात उपमुख्यमंत्री अजित पवार यांनी मुरबाड दौऱ्यावेळी किसन कथोरे यांच्या निवासस्थानी भेट दिली होती. ही भेट विकासकामांसंदर्भात असल्याचं सांगितलं गेलं असलं, तरी या भेटीतच युतीवर शिक्कामोर्तब झालं का? अशी चर्चा आता रंगली आहे. बदलापुरातील या राजकीय घडामोडींच्या पार्श्वभूमीवर शिवसेना काय भूमिका घेते, हे पहावं लागणार आहे.

दुसरीकडे, अंबरनाथमध्ये सदाशिव पाटील यांनी नुकताच राष्ट्रवादी काँग्रेस : शरदचंद्र पवार गटातून अजित पवार यांच्या राष्ट्रवादीत प्रवेश केला. त्यांची अंबरनाथ शहराध्यक्षपदी नियुक्ती झाली आहे. यानंतर भाजप प्रदेश सचिव गुलाबराव करंजुले पाटील यांनी सदाशिव पाटील यांची भेट घेत त्यांचं अभिनंदन केलं. यावेळी दोन्हीही पक्ष युतीसाठी सकारात्मक असल्याची माहिती भाजपचे कल्याण जिल्हा सरचिटणीस अभिजीत करंजुले पाटील यांनी दिली. याबाबत वरिष्ठ जो निर्णय घेतील, तो मान्य असेल असंही त्यांनी स्पष्ट केलं.
Eknath Shinde : जातीय सलोखा राखण्यात ब्राह्मण समाज पुढे, एकनाथ शिंदेंचं मत; बाळासाहेबांनीही कधी जातपात पाहिली नाही आणि…
भाजपासोबत युतीची आपली तयारी असून वरिष्ठांच्या निर्णयानुसार काम करु, अशी माहिती राष्ट्रवादीचे शहराध्यक्ष सदाशिव पाटील यांनी दिली. त्यामुळे अंबरनाथमध्येही राष्ट्रवादी आणि भाजप यांची युती होण्याची दाट शक्यता असून शिवसेना मात्र एकटी लढण्याची चिन्हं आहेत.