पीडित मुलगा राकेश (नाव बदलले आहे) हा अवघ्या बारा वर्षांचा आहे. आरोपी सुमेध प्रेमनाथ जाधव (वय अंदाजे २०–२२, रा. सावळे, कर्जत) याने नातेवाईक असलेल्या एका मुलीची पीडित मुलाशी मैत्री करून दिली. काही दिवसातच या मुलीने पीडिताशी ‘प्रेमसंबंध’ निर्माण केल्याचे भासवले.

भावनिक नात्याचा गैरफायदा घेत आरोपी सुमेधने मुलाला ब्लॅकमेल करायला सुरुवात केली. “तू पैसे दिले नाहीस, तर तुझं प्रेम प्रकरण तुझ्या आई-वडिलांना सांगेन… तुझं आयुष्य उद्ध्वस्त करुन टाकेन… तुला ठार मारेन” अशा स्वरुपाच्या धमक्या देऊन त्याने पीडितावर मानसिक दबाव टाकला.
Pune Crime : पुण्यात 46 वर्षीय क्लास चालकाचं विद्यार्थिनीशी अश्लील वर्तन, मोठी झालीस की माझ्या शाळेत नोकरी देतो आणि…
राकेश धमक्यांना घाबरला. भीतीपोटी त्याने सुमेधला ४५ हजार रुपये रोख रक्कम दिली. तसंच ऑनलाइन पद्धतीने तीन लाख चार हजार रुपये विविध बँक खात्यांमध्ये ट्रान्सफर केले. आरोपीने स्वतःच्या खात्याशिवाय इतर काही अनोळखी व्यक्तींच्या खात्यांचाही वापर केला आहे, हे तपासात निष्पन्न झाले आहे.

मुलाच्या वागण्यात बदल झाल्यानंतर आणि खात्यातून पैसे जात असल्याचे लक्षात आल्यानंतर पालकांनी त्याच्याशी संवाद साधला. त्यावेळी संपूर्ण प्रकार उघडकीस आला. त्यानंतर खालापूर पोलीस ठाण्यात तक्रार दाखल करण्यात आली असून आरोपी सुमेध जाधव याच्यावर गुन्हा दाखल करण्यात आला आहे. या प्रकरणाचा तपास पोलीस नाईक जयेश कुथे करत आहेत.
Konstantin Galish : मार्केट कोसळल्याचा धक्का, 32 वर्षीय गुंतवणूकदाराने आयुष्य संपवलं, लँबॉर्गिनीत बॉडी सापडली
सध्या मोबाईल, इंटरनेट आणि सोशल मीडियाच्या अतिवापरामुळे लहान मुलं सहज फसवणुकींचे बळी ठरत आहेत. प्रेमसंबंधात अपयश, ब्लॅकमेलिंग, लूटमारीसारख्या घटना लहान वयात मानसिक आणि भावनिकदृष्ट्याही त्रासदायक ठरत असल्याने पालकांना लेकरांवर डोळ्यात तेल घालून लक्ष देण्याची आवश्यकता निर्माण झाली आहे.