किन्हाळा गावातील हणमंत भोसले हे अल्पभूधारक शेतकरी आहेत. त्यांना दोन्ही मुलीच आहेत. वंशाचा दिवा म्हणून हणमंत भोसले आणि त्यांची पत्नी सुनीता भोसले यांनी काबाड कष्ट करून हलाकीच्या परिस्थितीत मुलींना शिकवलं. सुरुवातीला नातेवाईक आणि गावातील लोकांनी टोमणे मारले. मुलींना शिकवण्याची काय गरज आहे? कशाला त्यांना शिकवता? असं म्हणत होते. मात्र, या गोष्टीकडे दुर्लक्ष करत शेतकरी दाम्पत्याने मुलींना शिकवण्याचा निर्णय घेतला. बिकट परिस्थितीतही दोन्ही मुलींना शिकवलं. दोघींचं दहावीपर्यंत गावात शिक्षण झालं. त्यानंतर नीटच्या तयारीसाठी नांदेडला राहायला आले.

Solapur News : जन्मापासूनच चालता, फिरता, जेवता येत नव्हतं, मुलाचे हाल बघवेनात, शेवटी आईने… मंगळवेढ्यात हळहळ

हणमंत भोसले आणि सुनीता भोसले यांनी नांदेडमध्ये दोन वर्ष खासगी काम केलं. शिवाय दर रविवारी गावाकडे येऊन शेतीचं काम करत होते. मुलींनी देखील आई-वडिलांच्या कष्टाची जाण ठेवून दिवस रात्रंदिवस अभ्यास केला. शिवाय शेतात जाऊन आई-वडिलांना मदत करायचे. दोन्ही बहीणी गतवर्षी झालेल्या नीट परीक्षेत उत्तीर्ण झाल्या आणि पुढील वैद्यकीय शिक्षणासाठी दोघी पात्र ठरल्या. त्यांच्या या यशाचं सर्वत्र कौतुक होत आहे. यशाचा मार्ग परिस्थिती नव्हे, तर निर्धार ठरवतो हेच साक्षी आणि दिव्या या दोन्ही बहिणींनी दाखवून दिलं आहे. दरम्यान, दिव्या भोसले हिचा अमरावतीच्या डॉ. राजेंद्र गोडे मेडिकल कॉलेज येथे नंबर लागला तर आणि साक्षीला चंद्रपूर येथील मेडिकल कॉलेजमध्ये प्रवेश मिळाला आहे. दिव्या ही तिसऱ्या तर साक्षी ही पहिल्या प्रयत्नात MBBSसाठी पात्र ठरली आहे.

Beed News: बीडमध्ये जीवघेण्या सिरपच्या 500 बाटल्यांचा पुरवठा, बंदी घातलेल्या सिरपचा पुरवठा झाला तरी कसा?

दुसरीही मुलगी झाल्याने तो खचला, नको ते करून बसला

शहरातील पिर बुरहान नगर येथे रविवारी सायंकाळी एका दीड वर्षीय बालकाच्या अपहरणाची घटना घडली होती. दुचाकीवर आलेल्या दोन दोघांनी एका मस्जिद बाहेरून बालकाचे अपहरण केले होते. भाग्यनगर पोलीसांनी गुन्हा दाखल करत तपासाची चक्रे फिरवत अवघ्या 24 तासांच्या आत बालकाची सुटका केली. अपहरण करणाऱ्या दोघांना ताब्यातही घेतले. धक्कादायक बाब म्हणजे सीजर दरम्यान दुसरी ही मुलगी झाल्याने वंशाला दिवा पाहिजे म्हणून बालकाचे अपहरण केल्याची कबुली आरोपीने दिली. दरम्यान आरोपीचा शोध घेण्यासाठी पोलिसांकडून परिसरातील अनेक सीसीटीव्ही तपासण्यात. मोहम्मद अमीर मोहम्मद अफसर आणि मोहम्मद इस्माईल अब्दुल हमीद असे अटक करण्यात आलेल्या आरोपीची नावे आहेत.