नवापूर तालुक्यातील शासकीय माध्यमिक आश्रमशाळा खडकी येथील इयत्ता पहिली शिक्षण घेत असलेला विद्यार्थी अयान अंकुश गावित या सहा वर्षीय विद्यार्थी काल बुधवारी रात्री साडेदहा वाजेच्या सुमारास लघुशंका करण्यासाठी गेला होता. अचानक शौचालयात तो खाली पडला, त्यानंतर त्याची तब्येत खराब झाल्याची माहिती आश्रम शाळेतील अधीक्षक यांना मिळाल्याने त्यांनी तात्काळ त्याला खांडबारा ग्रामीण रुग्णालयात नेण्यात आलं. मात्र, डॉक्टरांनी विद्यार्थ्याला मृत घोषित केलं, अशी माहिती शासकीय आश्रम शाळा खडकी येथील अधीक्षक अरविंद पवार यांनी दिली आहे.

Buldhana News: लवकर येतो सांगून गेला, घरी त्याच्या मृत्यूची बातमी आली; वडिलांचा आक्रोश पाहून सारे हळहळले

‘आमच्या मुलाला आम्ही काही दिवसापूर्वी सुखरूप खडकी येथील शासकीय आश्रमशाळेत सोडून गेलो होतो. अचानक मृत्यू कसा झाला? या सदर घटनेची सखोल चौकशी प्रशासनाने करावी आणि दोषी आढळल्यास दोषींवर कठोर कारवाई करण्यात यावी’, अशी मागणी नातेवाईकांनी केली आहे. अयान अंकुश गावित हा विद्यार्थी नवापूर तालुक्यातील लहान कडवाण या गावातील रहिवासी आहे. घटनेची माहिती परिसरात मिळताच व नातेवाईकांनी खांडबारा ग्रामीण रुग्णालयात मोठी गर्दी केली होती. सदर विद्यार्थ्यांच्या मृत्यूप्रकरणी नंदुरबार एकात्मिक आदिवासी प्रकल्प येथील अधिकारी घटनास्थळी दाखल झाले आहे. बालकाचा मृत्यू झाल्याने आई-वडिलांनी रुग्णालयात प्रचंड आक्रोश केला.

‘रोहित पवार दादा म्हणायच्या लायकीचा नाही’, कुख्यात गुंड निलेश घायवळचा व्हिडीओ समोर

बहिणीच्या प्रेमविवाहाने नाराज भावाचा प्रताप

तरुणीच्या परिवाराचा विरोध असताना युवकाने तिच्याशी प्रेम विवाह केला. याचाच राग मनात धरून तरुणीच्या भावाने त्या युवकाच्या पुतण्याला कारने धडक दिली. तरुणीच्या भावाने मजुरांची वाट पाहत अभा असलेल्या त्या युवकाच्या पुतण्याला भरधाव कारने मागून धडक देऊन जीवे ठार मारण्याचा प्रयत्न केला. या घटनेत तो पुतण्या गंभीर जखमी झाला आहे. याप्रकरणी म्हसावद पोलीस ठाण्यात गुन्हा दाखल करण्यात आला आहे. पोलिसांनी गुन्हा दाखल झाल्यानंतर तपासाला सुरुवात केली आहे. या घटनेने परिसरात मात्र एकच खळबळ माजली आहे.