नागपूरमधून एक धक्कादायक बातमी समोर येत आहे. एकतर्फी प्रेमातून एका तरुणाने 19 वर्षीय विद्यार्थीला ठार मारण्याचा प्रयत्न केल्याचा संतापजनक प्रकार समोर आला आहे.
पोलिसांकडून प्राप्त माहितीनुसार, मधुराचे वडील टीव्ही दुरूस्तीचे काम करतात. मधुरा ही काटोलमधील एका कॉलेजमध्ये विज्ञान शाखेच्या प्रथम वर्षाला शिकते. मुधरा ही खासगी बसने ये-जा करते. ऑक्टोबर २०२३ पासून नितीनही याच बसने जाणे येणे करायचा. तो मधुरावर एकतर्फी प्रेम करायला लागला. २५ ऑगस्टला मधुराचा मित्र अंशुल याने मधुराच्या मोबाइलवर संपर्क साधला. नितीनला तुझ्यासोबत बोलायचे आहे, असे सांगत अंशुलने नितीनला कॉन्फरन्सवर घेतले. ‘मला तुझ्यासोबत लग्न करायचे आहे, तू माझ्यासोबत लग्न नाही केले तर तुला ठार मारून आत्महत्या करेल’, अशी धमकी नितीनने तिला दिली. मधुराने त्याला नकार दिला.
नेहमीप्रमाणे गुरूवारी सकाळी ७.४५ वाजताच्या सुमारास मधुरा ही बसने कॉलेजला जात होती. ८ वाजताच्य सुमारास सावरगाव बस थांब्यावरून नितीन हा बसमध्ये बसला. तो मधुराजवळ आला. ‘मी तीन वर्षांपासून तुझ्या मागेमागे फिरत आहे. मला पागल समजली काय?’, असे तो मधुराला म्हणाला. ‘तुला मी माझ्या मागे फिरायला सांगितले का?’ असे मधुरा त्याला म्हणाली.
‘तुला काटोलच्या मुलांसोबत लपून-लपून चॅटिंग करायला पाहिजे, मी तुला आणि काटोलच्या मुलांना मारून टाकीन’, अशी धमकी नितीनने तिला दिली. त्यानंतर नितीनने खिश्यातून चाकू काढला. मधुराच्या छातीवर वार करायला लागला. बसमधील यश नावाच्या प्रवासी मदतीसाठी धावत यशने नितीनच्या हातातून चाकू हिसकावला. संधी साधून नितीन मागील दरवाजातून बसमधून उडी घेऊन पसार झाला.
प्रवाशांनी पीडित मधुराला सावरगावमधील हॉस्पिटलमध्ये दाखल केले. घटनेची माहिती मिळताच नरखेडचे ठाणेदार अजित कदम यांच्यासह पोलिसांचा ताफा हॉस्पिटलमध्ये पोहोचला. मधुराचे बयाण नोंदवित पोलिसांनी खुनाच्या प्रयत्नासह विविध कलमान्वये गुन्हा दाखल केला. पोलीस नितीनच्या घरी गेले असता तो घरी आढळून आला नाही. त्याने मोबाइलही स्विच्ड ऑफ केला आहे. नितीन हा एकटा रहातो. त्याचे आई-वडील आणि भाऊ नागपुरात वेगळे राहात असल्याची माहिती आहे.
नितीनने मधुराच्या आई-वडिलांनाही दिली होती धमकी
सुमारे तीन वर्षांपूर्वी नितीनचा टीव्ही बंद झाला. त्याने दुरूस्तीसाठी टीव्ही मधुराच्या वडिलांकडे दिला. टीव्ही दुरूस्त न झाल्याने मधुराच्या वडिलांनी टीव्ही दुकानातून बाहेर ठेवला. ८ ऑगस्टला रात्री ११.३० वाजता नितीन हा मधुराच्या घरी आला. दुरूस्तीसाठी दिलेला टीव्ही अद्याप का दुरूस्त केला नाही, अशी विचारणा त्याने मधुराचया वडिलांना केली. टीव्ही दुरूस्त होत नसल्याचे मधुराच्या वडिलांनी त्याला सांगितले. मला माझा टीव्ही दुरूस्त करून परत द्या, अन्यथा तुम्हाला व तुमच्या कुटुंबीयांना संपवेल, अशी धमकी नितीनने मधुराच्या आई-वडिलांना दिली होती.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा