वाहतूक कोंडीसह इतर पायाभूत सुविधांच्या मागणीसाठी नागरिकांनी PMRDA कार्यालयावर धडक मोर्चा काढला. या मोर्चात खासदार Amol kolhe आमदार बाबाजी काळे आणि माजी खासदार शिवाजीराव आढळराव पाटील यांच्यासह मोठ्या संख्येने नागरिक सहभागी झाले होते. मोर्चादरम्यान खासदार अमोल कोल्हे यांनी प्रतिनिधीमंडळाला पीएमआरडीएच्या कार्यालयात प्रवेश देण्याची मागणी केली. मात्र, पोलिसांनी सुरुवातीला ती मागणी फेटाळली, त्यामुळे काही काळ तणावाचं वातावरण निर्माण झालं. अखेरीस आंदोलकांच्या आग्रहानंतर खासदार, आमदार आणि स्थानिक प्रतिनिधींना कार्यालयात प्रवेश देण्यात आला.

Bhaiya Gaikwad Beating Video : गाडीला फास्टटॅग नसल्यानं राडा, शिवीगाळ अन् उद्धटपणे बोलला; ‘किंगमेकर ग्रुप अध्यक्ष येवला, भैय्या गायकवाड’ला मारहाण

अमोल कोल्हे काय म्हणाले?

‘कुठला नियम लागतो, शांततेत आम्ही मोर्चा इथपर्यंत आणला आहे. आम्हाला कार्यालयातील परिसरात जाऊ द्या, कुठल्या नियमाने आम्हाला आडवता’, असं म्हणत अमोल कोल्हे यांनी पोलिसांसमोर आक्रमक भूमिका घेतल्याचं पाहायला मिळालं. ‘एकतर आम्हाला आतमध्ये जाऊ द्या, नाहीतर प्रशासनाला खाली बोलवा’, अशा तीव्र शब्दात संताप व्यक्त केला. त्यानंतर, पुणे महानगर प्रदेश विकास प्राधिकरण म्हणजेच एमएमआरडीएच्या कार्यालयात खासदार, आमदार, मोर्चातील लोकप्रतिनिधी आणि शिष्टमंडळाला सोडण्यात आलं.

‘3 वर्षापासून तु्झ्या मागे फिरतोय…’, नागपुरात एकतर्फी प्रेमातून तरुणाचं धावत्या बसमध्ये संतापजनक कृत्य

यावेळी आंदोलकांनी ‘चाकण एमआयडीसी हद्दपार होत आहे, आणि सरकार व प्रशासनाकडून कोणतीही ठोस कारवाई होत नाही’, अशी तीव्र नाराजी व्यक्त केली. ‘गुरुवारी वाहतूक कमी असल्याने आज पाहणी दौरा झाला, परंतु रोजच्या वाहतूक कोंडीवेळी पोलीस आणि प्रशासन कुठे असतात?’ असा सवालही आंदोलकांनी उपस्थित केला. सकाळी सहा वाजता उपमुख्यमंत्री अजित पवार यांनी केलेल्या पाहणी दौऱ्याचाही उल्लेख करून आंदोलकांनी प्रशासनावर कागदी कारवाई केल्याचा आरोप केला. चाकण परिसरातील वाढती वाहतूक समस्या, अपुऱ्या रस्त्यांची स्थिती आणि औद्योगिक विकासाकडे होत असलेले दुर्लक्ष या मुद्द्यांवर नागरिक आणि एमआयडीसी कर्मचारी संतप्त झालेले दिसून आलं.