कोल्ड्रिप सिरपवर महाराष्ट्रात बंदी घालण्यात आली आहे. राज्याच्या अन्न आणि औषध प्रशासनाने याबाबत महत्त्वाचे निर्देश दिले आहेत. तसेच आज राज्याचे आरोग्य मंत्री प्रकाश आबिटकर यांनी याबाबत महत्त्वाची माहिती दिली आहे.
“काही कंपन्यांचे उत्पादन चुकीचं असल्याने सर्व सिरपवर संशय घेण्याचा आधार नाही. त्यामुळे केंद्राकडून आलेल्या सूचनांचे काटेकोर पालन करत आहोत. काल केंद्रासाठी व्हिडिओ कॉन्फरन्सिंग झाली असून, त्यानुसार महाराष्ट्र शासनाच्या औषध नियंत्रण यंत्रणेने तातडीने प्रतिबंधात्मक उपाययोजना सुरू केल्या आहेत. नागरिकांनी घाबरून न जाता गोष्टींचे गांभीर्य समजून काळजी घ्यावी”, असं आवाहन आरोग्य मंत्री प्रकाश आबिटकर यांनी केलं.
मध्यप्रदेश, राजस्थान आणि तमिळनाडूमध्ये कोल्ड्रिफ सिरपच्या वापरामुळे अनेक लहान मुलांच्या मृत्यूची घटना उघडकीस आल्यामुळे या उत्पादनावर प्रतिबंध लागू झाला आहे. महाराष्ट्रातही श्रीसन फार्मा कांचीपुरम येथे तयार होणाऱ्या विशेष बॅच SR-13 च्या विक्रीवर विशेष बंदी घालण्यात आली आहे. या बॅचमध्ये हानिकारक घटक डायथिलीन ग्लायकॉल (DEG) आढळल्याची तमिळनाडू सरकारच्या तपासणीत नोंद झाली आहे, अशी माहिती आरोग्य मंत्र्यांनी दिली.
मोठी बातमी! महाराष्ट्रात ‘कोल्ड्रिफ’ सिरपवर बंदी, खोकल्याचं हे औषध कुठल्याही मेडिकलमध्ये सापडलं तर फोन करा
स्थानिक स्वराज्य संस्थांच्या निवडणुकांविषयी भाष्य
राज्यात आगामी जिल्हा परिषद, महानगरपालिका आणि नगरपालिकांच्या निवडणुकीची तयारी जोमाने सुरु आहे. या निवडणुकांमध्ये सर्व पक्ष कार्यकर्त्यांच्या सक्रियतेने सहभाग घेणार आहेत. त्यामुळे सर्व पक्ष तयारी जोमाने करणार आहेत. महायुतीसह प्रमुख पक्ष कार्यकर्त्यांसाठी काम करणार आहेत, अशी प्रतिक्रिया प्रकाश आबिटकर यांनी दिली.
सीपीआरमधील रुग्णांचा त्रास होईल कमी
कोल्हापूरमधील प्रमुख रुग्णालय छत्रपती प्रमिला राजे (सीपीआर)तील वैद्यकीय कर्मचाऱ्यांची कमतरता आणि वाढती रुग्णसंख्या यामुळे येणाऱ्या रुग्णांना त्रास होत असल्याबाबतही आरोग्यमंत्र्यांनी चिंता व्यक्त केली. “शेंडापार्क परिसरात चालू असणाऱ्या नवीन मल्टीस्पेशालिटी हॉस्पिटलमध्ये 150 बेड वाढवण्याची योजना आहे, जी सुरू होईपर्यंत रुग्णांना काही प्रमाणात अडचणी येतील,” अशी माहिती त्यांनी दिली.
“मराठवाड्यातील पूरग्रस्तांसाठी येणारी मदत कॅबिनेट बैठकीत लवकरच अंतिम रूप घेईल. आनंदाचा शिधा आणि पूरग्रस्तांसाठी मदतीचा मुद्दा संबंधित मंत्र्यांच्या जबाबदारीत असून, पुढील आठवड्यात निर्णय अपेक्षित आहे”, असं आबिटकर यांनी सांगितलं. दरम्यान, केंद्र सरकारकडून मिळालेल्या सूचनांचे आम्ही पालन करत आहोत. त्यामुळे नागरिकांनी देखील घाबरुन न जाता सरकारी निर्देशांचे पालन करावे असे आवाहन कोल्ड्रिप कफ सिरपबाबत सामान्य नागरिकांना आवाहन आरोग्यमंत्री आबिटकर यांनी केलं आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा