रायगड जिल्ह्यातील खालापूर तालुक्यांमधील देवकान्हे येथे हात उसने दिलेले पैसे परत मागितले याचा राग येऊन मित्राचा खून करून फरार झालेला आरोपी यास भारत नेपाळ सीमेवरून ताब्यात घेण्यात आले आहे. आरोपी याचे नाव अख्तर हबीब बैठा (रा. वॉर्ड नं.3, गांव-पिरोखर, जि. मधुबनी, राज्य-बिहार) असे या आरोपीचे नाव आहे. याबाबत सविस्तर माहिती अशी की, खालापूर तालुक्यातील खोपोलीजवळील देवन्हावे गावात सुशांत चौधरी यांच्या भाड्याचच्या खोलीत आरोपी अख्तर हबीब बैठा (रा. वॉर्ड नं.3, गांव-पिरोखर, जि. मधुबनी, राज्य-बिहार) त्याचा मित्र मयत पारस हरिहर सिंग (वय 50 वर्षे , रा. वॉर्ड नं. 3, खैरवा, पो. मणियारी, तहसील-डु तामढी, बिहार) यांच्यासोबत राहत होता. दि. 11 सप्टेंबर 2025 रोजी खोपोलीजवळील देवन्हावे गावात अख्तर हबीब बैठा, (रा. वॉर्ड नं. 3, गांव-पिरोखर, जि. मधुबनी, राज्य-बिहार) याने कोणत्यातरी अज्ञात कारणावरुन कशाने तरी गुन्हयातील मयत पारस हरिहर सिंग (वय, 50 वर्षे, रा.वॉर्ड नं. 3, खैरवा, पो. मणियारी, तहसील-डुमरा, जि. सितामढी, बिहार) यांचे डोक्याचे मागील बाजुस कशाने तरी मारुन गंभीर दुखापत करुन जखमी केले व त्याच्यावर औषधोपचार न करता जखमी अवस्थेत तेथेच सोडून पळून गेला. त्यात पारस हरिहर सिंग याचा मृत्यू झाला असल्याची घटना घडली होती. याबाबत खालापूर तालुक्यातील खोपोली पोलिस ठाण्यात 224/225 नुसार खुनाचा गुन्हा सायंकाळी सात वाजण्याच्या सुमारास दाखल करण्यात आला होता.

रात्री मिरवणुकीहून आला, जेवून झोपला तो उठलाच नाही; घरातल्या लाडक्या सुजलचा झोपेतच करुण अंत, आईचा हंबरडा

यापुर्वी अख्तर हबीब बैठा गुजरात राज्यातील सुरत व अहमदाबाद येथे काही काळ कामानिमीत्त वास्तव्यास असल्याची माहिती मिळाली होती, त्याप्रमाणे आरोपीत याचा शोध घेण्याकामी तपास पथक ठाणे, सुरत व अहमदाबाद येथे पाठविण्यात आले होते, परंतु अख्तर हबीब बैठा हा मिळुन आला नाही, तसेच त्याचे ठावठिकाणाबाबतची खात्री लायक अशी कोणतीही माहिती पोलिसांना उपलब्ध होत नव्हती. सदर गुन्ह्याचे तपासिक अधिकारी सुजित गडदे यांनी तपास पथकासह आरोपीत याच्या मुळ गावी, जि. मधुबनी, तसेच त्याचे सासरवाडी जि. सितामढी, राज्य-बिहार येथे गेले होते. तेथे गेल्यावर आरोपीच्या नातेवाईकांकडे तपास केला असता काही एक उपयुक्त माहिती मिळाली नाही. अखेर कौशल्याचा वापर करुन वरिष्ठांच्या मार्गदर्शनाप्रमाणे तपासाची चक्रे फिरवून स्थानिक गोपनीय बातमीदार निर्माण केले.

पुणे गँगवॉर! ‘बदला तो फिक्स, आता फक्त बॉडी मोजा’, आंदेकर टोळीच्या 5 समर्थकांचा माज, पोलिसांनी मुसक्या आवळल्या

अशा कठीण परिस्थतीतही तपासिक अधिकारी सुजित गडदे यांच्या तपास पथकाने तपास कौशल्याचा वापर करुन वरिष्ठांच्या मार्गदर्शनाप्रमाणे तपासाची चक्रे फिरवीत स्थानिक गोपणीय खबरी निर्माण केले व त्यांच्या मदतीने आरोपी अख्तर हबीब बैठा हा सद्या एकदराबेला, महोत्तरी, नेपाळ येथे असल्याची खात्रीशीर माहीती प्राप्त केली . गुप्त बातमीदार याच्याकडून मिळालेल्या माहितीच्या आधारे तपास पथकातील अधिकारी यांनी आरोपी अख्तर हबीब बैठा याच्या मानसीकतेचा अभ्यास करुन आरोपी अख्तर हबीब बैठा याच्यासोबत थेट संपर्क होत नसतानाही आरोपी अख्तर हबीब बैठा हा त्याच्या नातेवाईकांना भेटण्यासाठी भारत-नेपाळ सिमा भागात येणार असल्याची खात्रीशीर माहिती प्राप्त केली होती, त्याप्रमाणे पोलीस पथकाने अत्यंत कौशल्याने आरोपी अख्तर हबीब बैठा याचा माग काढुन, स्थानीक पोलीसांची मदत घेवुन अख्तर हबीब बैठा यास शोधून अत्यंत शिताफीने गुन्हातील आरोपी अख्तर हबिब बैठा, (वय, 27) यास दि. 29 सप्टेंबर रोजी नेपाळ सिमेवरुन ताब्यात घेतलं व अख्तर हबीब बैठा याच्याकडे गुन्हयाच्या अनुषंगाने तपास केला असता त्याने गुन्हा केल्याची कबुली दिली व गुन्हयातील मयत पारस सिंग याने आरोपी अख्तर हबिब बैठा यास हातउसने दिलेले सहा हजार रुपये परत मागीतले म्हणुन त्या गोष्टीचा आरोपी अख्तर हबिब बैठा यास राग आल्याने त्याने मयताचे डोक्यात दगडाने मारुन, गंभीर दुखापती करुन त्यास जीवे ठार मारले असल्याचे तपासात निष्पन्न झालेलं आहे.

लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा