भारतीय हवामानशास्त्र विभागाच्या प्रादेशिक केंद्र, कुलाबा वेधशाळेने यासंदर्भातील अंदाज वर्तविल्यानंतर राज्य सरकारने राज्यातील मच्छिमारांना हे आवाहन केले आहे.
महामोर्चावर ‘ओबीसी’ ठाम! मुख्यमंत्र्यांसोबतच्या बैठकीत समाधान न झाल्याने संघटनांची भूमिका
३ ऑक्टोबर रोजी संध्याकाळी ५.३० वाजता हे चक्रीवादळ २२.० अंश उत्तर अक्षांश आणि ६६.४ अंश पूर्व रेखांशाजवळ केंद्रित होत असल्याचे अधोरेखित केले आहे. तर ४ ऑक्टोबरच्या सकाळपर्यंत ते तीव्र होण्याची शक्यता आहे. त्यानंतर ते ५ ऑक्टोबरपर्यंत पश्चिम-नैऋत्येकडे सरकून उत्तर आणि मध्य अरबी समुद्राच्या मध्य भागात पोहोचेल, असा अंदाज वर्तविण्यात आला आहे.
Devendra Fadnavis: २०२६ हे ‘भरती’वर्ष! मोठ्या प्रमाणात पदभरती करणार, मुख्यमंत्री फडणवीसांची घोषणा
वादळी वारे आणि उंच लाटा
पुढील काही दिवस समुद्रात मासेमारीसाठी जाऊ नये, अशा सूचना भारतीय हवामान विभागाने सर्व मच्छिमार, मच्छिमार सहकारी संस्था आणि नौकामालकांना दिल्या आहेत. वादळी वारे आणि उंच लाटा येण्याची शक्यता असल्याने समुद्र अत्यंत खवळलेला राहील, असा अंदाज वर्तविण्यात आला आहे. त्यामुळे या सूचनेची माहिती सर्व मच्छिमार आणि किनारी गावांतील नागरिकांपर्यंत त्वरीत पोहोचवावी, असे निर्देश राज्य सरकारच्या मत्स्यव्यवसाय विभागाने सर्व किनारी जिल्हा प्रशासनांना दिले आहेत. सागरी सुरक्षितता आणि जीवितहानी टाळण्यासाठी आपत्ती व्यवस्थापन यंत्रणा सतर्क ठेवण्यात आली आहे.