घटनास्थळी दुर्गंधी पसरू लागल्याने स्थानिकांनी पोलीसांना माहिती दिली. त्यानंतर सावनेर पोलीस आणि पाटणसावंगी पोलीस चौकीचं पथक घटनास्थळी दाखल झालं. यावेळी मृतदेहाची अवस्था अत्यंत कुजलेली असल्याने मृतदेहाला परिसरातून उचलणं कठीण झालं. तात्काळ फॉरेन्सिक टीमलाही घटनास्थळी बोलावण्यात आलं. अपघातग्रस्तांच्या मदतीसाठी सतत कार्यरत असलेली आधार फाउंडेशन टीमदेखील घटनास्थळी दाखल झाली आणि त्यांनी पोलिसांना मृतदेह पंचनामा करण्यासाठी सहकार्य केलं.
तीन महिन्यांपूर्वी बाळाच्या जन्माचा आनंद काळाने हिरावला; दुचाकीवरुन निघालेल्या तरुणासोबत अनर्थ, चिमुकल्याचं पितृछत्र छत्र हरपलं
यानंतर मृतदेह शवविच्छेदनासाठी शासकीय वैद्यकीय महाविद्यालयात पाठवण्यात आला. प्राथमिक उत्तरीय तपासणीत महिलेचा गळा आवळून हत्या करण्यात आल्याचं स्पष्ट झालं. याशिवाय ती आठ महिन्यांची गर्भवती असल्याचं समोर येताच संपूर्ण परिसरात धक्का बसला. दोन दिवसांपेक्षा जास्त कालावधी मृतदेह रस्त्याच्या कडेला झुडपांमध्ये टाकलेला असल्याने तो कुजायला सुरुवात झाली होती. यामुळे मृतदेहाची ओळख पटवणं कठीण झालं. मृत महिलेची अद्यापही ओळख पटलेली नाही. पोलिसांनी परिसरातील गावांमध्ये चौकशी सुरु केली असून हरवलेल्या व्यक्तींची तक्रार नोंदवण्यात आली आहे का, याबाबत तपास सुरू आहे. मृतदेहाची ओळख पटवणं आणि आरोपींपर्यंत पोहोचणं हे पोलिसांसमोर मोठं आव्हान ठरणार आहे.
Crime News : दोन महिन्याच्या चिमुकलीला सोडून वडिलांनी कारमध्ये संपवलं आयुष्य, चिठ्ठीत कारणही लिहिलं, त्या महिलेसह तिघे…
कुजलेल्या अवस्थेतील मृतदेह जास्त वेळ ठेवणं अशक्य झाल्याने हितज्योती आधार फाउंडेशनच्या सहकार्याने पोलिसांनी महिलेवर अंत्यसंस्कार केले. मात्र या घटनेमुळे समाजमनात संताप निर्माण झाला आहे. एका गरोदर महिलेची निर्घृण हत्या करून तिचा मृतदेह रस्त्याच्या कडेला फेकल्याची घटना अत्यंत संतापजनक आणि हृदय पिळवटून टाकणारी आहे.

पोलिसांनी या संदर्भात हत्या प्रकरणाची नोंद घेतली असून पुढील तपास सुरू केला आहे. संशयित आरोपींना पकडण्यासाठी परिसरातील सीसीटीव्ही फुटेज तपासले जात आहेत. तसंच मृतदेह कुठून आणला गेला, कोणत्या वाहनाचा वापर झाला, याबाबत देखील चौकशी केली जात आहे. या प्रकरणामुळे नागपूर जिल्ह्यात महिलांच्या सुरक्षिततेबाबत गंभीर प्रश्नचिन्ह उपस्थित झालं आहे. ही हत्या कौटुंबिक कारणातून झाली, की इतर कोणत्या वादातून, हे अद्याप स्पष्ट झालेलं नाही. मात्र गरोदर महिलेची हत्या करून मृतदेह झुडपांमध्ये टाकल्यामुळे घटनेची भीषणता वाढली आहे. पुढील तपास सावनेर पोलीस करत आहेत.