अविनाश संतोष पवार, वय २० वर्ष, राहणार सालवडगाव, तालुका पैठण, जिल्हा छत्रपती संभाजीनगर, असे गळफास घेऊन आत्महत्या केलेल्या तरुणाचं नाव आहे.

नेमकं काय घडलं?

या प्रकरणी अधिक माहिती अशी की, अविनाश याच्या आई वडिलांचं निधन झालं आहे. यामुळे लहानपणापासून अविनाश मावशीकडे राहत होता. दरम्यान नवरात्र उत्सव असल्याने गावातील काही तरुण मोहटा देवीच्या दर्शनासाठी निघाले होते. मित्रांसोबत अविनाशला देखील जायचं होतं.
UP News : लग्नाच्या बोहल्यावर चढल्यानंतर काही तासातच 75 वर्षीय वृद्धाचा मृत्यू, 35 वर्षीय दुसरी बायको म्हणाली, त्यांनी रात्रभर…
अविनाशने दर्शनाला जाण्याबाबत नातेवाईकांना विचारलं. पूर परिस्थिती असल्यामुळे अनेक नदी नाल्यांना पूर आला आहे, यामुळे दर्शनासाठी नंतर जा, असं मावशीसह नातेवाईकांनी सांगितलं. दर्शनाला जाऊ न दिल्याचा राग अविनाशने मनात धरला.

त्यानंतर तो दर्शनाला न जाता मावशीने काढलेल्या गायरान शेताकडे गेला. तिथे त्याने लिंबाच्या झाडाला दोरीच्या सहाय्याने गळफास घेत आयुष्याची अखेर केली. काही वेळानंतर ही बाब उघडकीस आली.
Pune Crime : वंशाला दिवा पाहिजे, नवऱ्याकडून छळ, पुण्यात 26 वर्षीय गर्भवतीने जीव दिला, ऋतुजा माहेरी जाऊन…
स्थानिकांनी घटनेची माहिती पाचोड पोलिसांना दिली पाचोड पोलीस घटनास्थळी दाखल झाले. नागरिकांच्या मदतीने अविनाश याला तात्काळ पाचोड येथील ग्रामीण रुग्णालयात दाखल केले असता डॉक्टरांनी तपासून त्याला मृत घोषित केले. या प्रकरणी पाचोड पोलीस ठाण्यामध्ये आकस्मिक मृत्यूची नोंद करण्यात आली असून पुढील तपास पोलीस करत आहेत.