जीत मैदानात खूप मोठ्या आवाजात ‘गरबा-दांडिया’चा कार्यक्रम सुरू होता. या धडकी भरवणाऱ्या आवाजाचा नागरिकांना खूप त्रास होत होता. त्यांच्या संतापाचा कडेलोट झाला होता. नागरिकांनी या त्रासाची तक्रार खासदार कुलकर्णी यांच्याकडे केली. नागरिकांच्या तक्रारीनंतर डॉ. कुलकर्णी यांनी लगेच कार्यक्रमस्थळी धाव घेतली. त्यांनी हा कार्यक्रम बंद पाडला. ध्वनिक्षेपकावरून त्यांनी ठणकावून सांगितले की, “या आवाजामुळे नागरिकांना त्रास होत आहे. आवाजाची मर्यादा ओलांडून आणि सण-उत्सवाला गालबोट लागेल, अशा पद्धतीने हे कार्यक्रम होत आहेत. यापुढे जीत मैदानात असे कार्यक्रम होऊ देणार नाही.”
Pune News : कौतुकास्पद! पुण्यातील भाजी विक्रेत्याकडून पूरग्रस्तांना लाखोची मदत, रोज १०० रूपयांची बचत, कोरोनातही…
कुलकर्णी यांनी पोलिसांच्या निष्क्रियतेवरही गंभीर आरोप केले. त्यांनी म्हटले, “कोथरूड पोलिसांकडे तक्रार करूनही कारवाई करण्यात आली नाही. पोलिस उपायुक्त आणि नंतर पोलिस आयुक्त यांच्याकडे तक्रार केली, तरी कारवाई झाली नाही.” ‘महाराष्ट्र टाइम्स’ने ‘डीजे’ मुक्त उत्सव आणि ढोल-ताशांवर निर्बंधाची भूमिका सातत्याने मांडली आहे. गणेशोत्सव आणि ईदनंतर आता नवरात्रोत्सवातही ठिकठिकाणी स्पीकरच्या भिंती लावून कार्यक्रम होत आहेत. अनेक ठिकाणी ढोलताशांचाही दणदणाट सुरू आहे.
Pune News : पुण्यातील रिंग रोडबाबत महत्त्वाची बातमी, जिल्हाधिकाऱ्यांचे आदेश, शेतकऱ्यांच्या संमतीने तात्काळ…
स्थानिक नागरिकांनीही खासदारांच्या या निर्णयाचे स्वागत केले असून, अनेक ज्येष्ठ नागरिकांनी आवाजाच्या त्रासामुळे आरोग्य बिघडल्याची तक्रार केली होती. विद्यार्थ्यांना अभ्यासात अडथळे येत होते तर रुग्णांना रात्री झोप लागत नव्हती. मुलांच्या शालेय परीक्षांच्या काळात रात्री उशिरापर्यंत सुरू राहणाऱ्या कार्यक्रमांमुळे पालक त्रस्त झाले होते. कुलकर्णी यांच्या या कारवाईमुळे नागरिकांनी दिलासा व्यक्त करत प्रशासनाने यापुढे अशा प्रकारच्या कार्यक्रमांवर नियंत्रण ठेवावे, अशी मागणी केली.