मराठा आरक्षणाच्या जीआरवर मंत्री छगन भुजबळ यांनी तीव्र नाराजी व्यक्त केली आहे. यानंतर उपमुख्यमंत्री अजित पवार यांनी आरक्षणाबाबत मोठं वक्तव्य केलं. ज्याला त्याला त्याच्या मागणीप्रमाणे आणि त्याच्या आर्थिक परिस्थितीनुसार…आरक्षण मिळावे त्याला आमचा दुमत असण्याचे कारण नाही, असे त्यांनी म्हटले. आता अजित पवारांच्या वक्तव्याला मंत्री छगन भुजबळांनी कडाडून विरोध केलाय.छगन भुजबळ म्हणाले की, आरक्षण म्हणजे गरिबी हटावचा कार्यक्रम नाही. मराठा एक समाज, एक जात आहे. ओबीसी हा वर्ग आहे. यात अनेक जाती आहेत. त्यासाठी हे आरक्षण आहे. ओबीसी सामाजिकदृष्ट्या मागासलेले आहेत. त्यामुळे आर्थिक दृष्टीने आरक्षण देण्याला आमचा विरोध आहे, असे म्हणत…त्यांनी उपमुख्यमंत्री अजित पवारांच्या वक्तव्याचा विरोध केला आहे.