Kopargaon Clash Between Two Groups : राज्यात गुन्हेगारीचं प्रमाण प्रचंड प्रमाणात वाढत चाललं आहे. त्याचदरम्यान, अहिल्यानगरमधील कोपरगावमध्ये एक धक्कादायक प्रकार समोर आला. याठिकाणी दोन गटांमध्ये तुंबळ हाणामारी झाली असून तब्बल 63 जणांवर गुन्हे दाखल करण्यात आले आहेत.
या घटनेनंतर दोन्ही गटांनी परस्परविरोधी फिर्यादी दाखल केल्या आहेत. पोलिसांनी दोन्ही गटांतील एकूण ६३ जणांवर भारतीय न्यायसंहितेच्या विविध कलमांखाली गुन्हे दाखल केले असून, आतापर्यंत 16 आरोपींना ताब्यात घेण्यात आले आहे. याप्रकरणी पोलीस अधिक तपास करत आहेत. यात पहिल्या गटाकडून विवेक राजेंद्र आव्हाड यांनी दिलेल्या फिर्यादीनुसार, ते त्यांच्या कारमधून त्यांच्या घरी जात असताना त्यांच्या कुटुंबावर आमदार आशुतोष काळे यांचे स्वीय सहाय्यक अरुण जोशी व त्यांचे बंधू राजू जोशी आणि पुतण्या यांच्यासह इतर लोकांकडून तुझ्या बापाचा रस्ता आहे का असे म्हणत क्रिकेटचे स्टंप, लोखंडी रॉड आणि दगडांनी हल्ला करण्यात आला. हल्लेखोरांनी जिवे ठार मारण्याचा प्रयत्न केला आणि त्यांच्या आईच्या गळ्यातील सोन्याचे गंठन आणि त्यांच्या स्वतःच्या गळ्यातील सोन्याची चैन तोडून नेली. याप्रकरणी अरुण बाजीराव जोशी, राजेंद्र जोशी, शुभम जोशी यांच्यासह 30हून अधिक जणांवर गुन्हे दाखल आहेत.
सर्वात मोठी बातमी! एकनाथ खडसे यांचे जावई प्रांजल खेवलकर यांना 2 महिन्यांनी जामीन मंजूर
तर दुसऱ्या गटाकडून सुनील योगेश गोरडे यांनी दाखल केलेल्या फिर्यादीत म्हटले आहे की, त्यांच्या आईला गाडीचा कट लागल्याच्या कारणावरून दुसऱ्या गटाने हल्ला केल्याचे म्हटले आहे. आरोपींनी दगडफेक करत तुमचा आज कामच करतो असे म्हणत लाकडी दांडे आणि लोखंडी रॉडने मारहाण केली. मारहाणीत फिर्यादीच्या चुलतीची 12 ग्रॅम वजनाची सोन्याची चेन तोडून नेली. या प्रकरणी सोनू कैलास आव्हाड, शुभम आढाव, सागर पंडोरे, अनिल उर्फ कालू आप्पा आव्हाड यांच्यासह 22 हून अधिक जणांवर गुन्हे दाखल आहेत.
आरोपींमध्ये आमदार काळेंचा स्वीय सहाय्यक
नवरात्र उत्सवात दांडिया सुरू असताना झालेल्या या राड्यात अनेकांवर गंभीर गुन्ह्याची नोंद कोपरगाव शहर पोलीस ठाण्यात करण्यात आली. यामध्ये कोपरगावचे राष्ट्रवादीचे आमदार आशुतोष काळे यांचे स्वीय सहाय्यक अरुण जोशी, राष्ट्रवादी अजित पवार गटाचे पदाधिकारी राजू जोशी, शिवसेनेचे माजी नगरसेवक अनिल आव्हाड, मनसेचे पदाधिकारी सतीश काकडे,बापू काकडे आदिंसह अनेक जणांवर गुन्हा दाखल करण्यात आला आहे. आमदारांचे स्वीय सहायकावर खुनाच्या प्रयत्नाचा गुन्हा दाखल झाल्याने विविध चर्चांना उधाण आले आहे.
Vijay Vaddetiwar : ‘सरकारची नियत मदत करण्याची नाही’; पूरग्रस्तांच्या मुद्द्यावरून विजय वडेट्टीवारांचा आरोप
गंभीर गुन्ह्यातील आरोपी मोकाट
कोपरगाव नगरपरिषदेचे माजी नगरसेवक अनिल आव्हाड यांच्यावर तीन महिन्यांपूर्वी अशाच प्रकारे मारहाणीचा गंभीर गुन्हा नोंदविण्यात आला. तरीसुद्धा आव्हाड बाहेर असल्याने सदर प्रकार घडल्याचे स्थानिकांकडून बोलले जात आहे. त्यामुळे पोलिसांनी कायद्याची चोख अंमलबजावणी केली तर अशा प्रकारच्या घटनांवर आळा घालता येईल हे मात्र नक्की.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा