तौफिक शफिक पठाण (वय 30, रा. कमळापूर) वाळूज एमआयडीसी यांनी दिलेल्या फिर्यादीनुसार, तौफिक हे प्लॉटिंग व्यावसायिक आहेत. दरम्यान, तौफिक व त्यांच्या मित्रांनी सिडको येथील एका हॉटेलमध्ये जेवण केलं. जेवण करून दोघे हॉटेलमधून बाहेर निघाले. 1 वाजेच्या सुमारास प्रोझोन मॉलच्या रस्त्यावर फिजिक्सवाला क्लासेस समोरील रत्नप्रभा फोल्ड सर्विस रोडजवळ आले. यावेळी यांच्यासोबत असलेल्या मित्राला लघुशंका आल्याने त्यांनी दोघांच्या चारचाकी थांबवल्या. मित्राने लघुशंका केल्यानंतर तौफिक हे कारमध्ये बसून कारच्या बाहेर असलेल्या मित्राला बोलत होते. याचवेळी एपीआय कॉर्नरकडून एक पांढरी स्कूटी आली. या स्कूटीवर तीन व्यक्ती बसलेले होते.

Ahilyanagar News : लहानपणापासून जबरदस्त हुशार, पण मानसिक आजारानं ग्रासलं; अंधार कोठडीतील नरक यातनांमधून सहा वर्षांनी प्रभुजी मुक्त

स्कूटीवरील सर्वात पाठीमागे बसलेल्या काळ्या रंगाचं टी-शर्ट घातलेला व्यक्ती खाली उतरला. त्याने स्वतःच्या कमरेला लावलेलं पिस्तुल बाहेर काढत लोड केलं. ही बाब तौफिक यांच्यासोबत असलेल्या मित्राच्या लक्षात आली. त्यांनी तात्काळ तौफिक यांच्या कारमध्ये बसत तौफिक त्यांना गाडी पुढे घेण्याचं सांगितलं. गाडी पुढे जात असताना पिस्तुल घेऊन आलेल्या व्यक्तीने फायरिंग केली. सुदैवाने गोळी कारच्या काचेला लागल्यानं कुठलीही जीवितहानी झाली नाही. या घटनेनंतर तौफिक यांनी तात्काळ सिडको एमआयडीसी पोलिस ठाणे गाठत याप्रकरणी फिर्याद दिली. याप्रकरणी अज्ञात तिघांविरुद्ध सिडको एमआयडीसी पोलिस ठाण्यात जीवे मारण्याचा प्रयत्न केल्याप्रकरणी गुन्हा दाखल करण्यात आला आहे. या प्रकरणाचा पुढील तपास पोलिस उपनिरीक्षक पाचोळे करीत आहेत.

Buldhana News: नवरात्रीसाठी देवीच्या मंदिरावर विद्युत रोषणाई करत होता, तेवढ्यात भयंकर घडलं, तरुणाचा मृत्यू, अख्खं गाव हळहळलं

या घटनेनंतर फॉरेन्सिक विभाग तात्काळ घटनास्थळी दाखल झाला. अधिकाऱ्यांनी घटनास्थळी पंचनामा केला आहे. दरम्यान, दुचाकीवरून आलेले अज्ञात तिघेजण कोण होते? गोळीबार करण्यामागे त्यांचा उद्देश काय होता? प्लॉटिंग व्यवसायिकाचा काही जुना वाद आहे का? यासह इतर बाजूने पोलिस तपास करून आरोपींचा शोध घेत आहेत.