Jitendra Awhad on Gopichand Padalkar : सांगलीत राष्ट्रवादीच्या संस्कृती बचाव मोर्चात जितेंद्र आव्हाड यांनी भाजप आमदार गोपीचंद पडळकरांवर जोरदार पलटवार केला आहे. पडळकरांनी जयंत पाटील आणि त्यांच्या वडिलांबद्दल केलेल्या वादग्रस्त वक्तव्यावर त्यांनी पलटवार केला. जयंत पाटील गप्प असले तरी मी गप्प बसणार नाही, असा इशाराही त्यांनी दिला.
राष्ट्रवादी काँग्रेस शरद पवार पक्षाच्या वतीने सांगलीत आज संस्कृती बचाव मोर्चाचे आयोजन करण्यात आले होते. याध्ये आमदार जितेंद्र आव्हाड यांनीही सहभाग घेतला. यावेळी त्यांनी गोपीचंद पडळकरांच्या वक्तव्यावर पुन्हा प्रहार केला. यापूर्वी विधिमंडळ परिसरातही आव्हाड विरुद्ध पडळकर असा वाद रंगला होता.
Pune News : राष्ट्रवादीच्या नेत्याच्या बॅगेत आढळली रिव्हॉल्वर, पुणे विमानतळावर खळबळ, वाराणसीला…
जितेंद्र आव्हाड सांगलीत माध्यमांशी बोलताना विधीमंडळातील वाद का झाला यावर पुन्हा भाष्य केले. ते म्हणाले, ‘मी विधीमंडळात आल्यानंतर पडळकर यांनी, हा बघा आला लांड्याचा, असा माझ्याबाबत उल्लेख केला. म्हणून मी त्या दिवशी जे बोलायचं ते बोललो आणि त्यानंतर त्यांनी माझ्यावर गाडी घालण्याचा प्रयत्न देखील करण्यात आला. मात्र, यावेळी दिवंगत सरपंच संतोष देशमुख यांच्या भावाला गाडीची थोडी धडक बसली.
जयंत पाटलांवर पडखळकरांनी केलेल्या टीकेवर प्रत्युत्तर देताना आव्हाड म्हणाले, जयंत पाटील गप्प बसले असतील पण मी गप्प बसणार नाही. पडळकांना उद्देशून हात जोडून आव्हाड पुढे म्हणाले, ‘असेच बोलत राहा, आपल्या ओरिजनल संस्कृतीची महाराष्ट्राला ओळख करून द्या, आपण कसे आहोत हे महाराष्ट्राला कळलं पाहिजे. आपण ओरिजनल कसे आहोत हे सर्वांना समजू द्या.’
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा