याबाबत सविस्तर माहिती अशी की, नीलम नगर भागातील कॉलनीत ज्या ठिकाणी नवनाथ वाघमारे यांची गाडी उभी होती तिथं एक अज्ञात व्यक्ती हातामध्ये ज्वलनशील पदार्थ घेऊन आला आणि गाडीवर टाकलेल्या कव्हरवर पहिल्यांदा त्याने कॅनमध्ये असलेला ज्वलनशील पदार्थ चारही बाजूंनी टाकला आणि त्यानंतर ही आग लावून दिली. या आगीने भडका घेताच गाडीवर टाकलेल्या कव्हरसह पूर्ण गाडी क्षणातच जळून खाक झाली.

Avinash Soundalkar : राज साहेब बडतर्फ करतील स्वप्नातही वाटलं नाही, मनसे नेत्याची खंत; एक स्वप्न अर्धवट, यापुढे भेटेन तेव्हा…

दरम्यान, या घटनेत कोणतीही जीवितहानी झाली नसून मोठा अनर्थ टळला आहे. या संपूर्ण प्रकरणी ओबीसी नेते नवनाथ वाघमारे यांनी कदीम जालना पोलीस ठाण्यात तक्रार दिली आहे असून ज्या व्यक्तीने ही चारचाकी गाडी जाळली त्याचा सीसीटीव्ही फुटेजच्या आधारे पोलिसांकडून तपास सुरू आहे.

कोण आहेत नवनाथ वाघमारे?

नवनाथ वाघमारे हे मागील काही वर्षांपासून ओबीसी समाजाच्या विविध प्रश्नांवर काम करत आहेत. त्यांनी मराठा आंदोलक मनोज जरांगे पाटील यांना जाहीरपणे विरोध करत मराठा समाजाचा ओबीसीमध्ये समावेश होऊ नये, यासाठी ते आवाज उठवत आहत. जालन्यात धनगर समाजाला एसटी प्रवर्गामध्ये समावेश करावा या मागणीसाठी मागील पाच ते सहा दिवसांपासून धनगर समाजाचे नेते दीपक बोराडे हे आमरण उपोषणाला बसले आहेत. बोराडे यांची भेट घेण्यासाठी ॲड. गुणरत्न सदावर्ते हे काल आले होते. या भेटीदरम्यान त्यांनी जरांगे पाटील यांच्यावर बरीच टीका केली, तसेच सुप्रिया सुळे, माजी आमदार व माजी आरोग्यमंत्री राजेश टोपे यांच्यावरही टीका केली. तसंच जरांगे पाटील यांची तुलना त्यांनी बुटावर असलेल्या धुळीसोबत केली आहे. त्यामुळे मराठा समाजाच्या भावना दुखावल्या असल्याचे चित्र असताना काल रात्री 11 वाजेच्या सुमारास ओबीसी नेते नवनाथ वाघमारे यांची गाडी ही अज्ञात व्यक्तीने जाळली आहे.

दरम्यान, नवनाथ वाघमारे यांनी वरिष्ठ पोलीस अधिकाऱ्यांशी चर्चा केली असून लवकरच चारचाकी पेटवणाऱ्या व्यक्तीचा शोध घेऊन त्याला ताब्यात घेतलं जाईल, अशी माहिती पोलिसांच्या वतीने देण्यात आली आहे.