सोलापूर जिल्ह्यातील गादेगाव येथील बडे नेते असणारे चंद्रकांत प्रभाकर बागल यांच्या विरोधात विमानतळ प्राधिकरणातील अधिकाऱ्याने तक्रार दाखल केली असून पोलिसांनी भारतीय शस्त्र अधिनियम १९५९ अंतर्गत गुन्हा नोंदवला आहे. स्क्रिनिंग पॉइंटवर त्यांच्या सामानात भारतीय बनावटीचा रिव्हॉल्वर, पाच जिवंत काडतुसे आणि एक रिकामे काडतूस आढळून आले. दरम्यान, चौकशीत उघड झाले की बागल यांच्याकडे या शस्त्राचा परवाना आहे, मात्र तो परवाना फक्त महाराष्ट्रापुरता वैध आहे. वाराणसीला प्रवास करताना त्यांनी आवश्यक ती परवानगी न घेतल्याने हे उल्लंघन झाल्याचे पोलिसांचे म्हणणे आहे. तपासानंतर त्यांचे शस्त्र जप्त करण्यात आले असून त्यांना चौकशीसाठी नोटीस देऊन पुढील प्रवासास परवानगी देण्यात आली.
Pune Crime : पुणेकर सुनेने नवरा-सासूला बंगल्याबाहेर काढलं, घटस्थापनेच्या तोंडावर सासूला मोठा दिलासा, 40 वर्षांची परंपरा…
पोलिसांनी दिलेल्या माहितीनुसार, ही घटना प्राथमिक पातळीवर शस्त्र परवाना नियमावलीचे उल्लंघन असल्याचे दिसत आहे. वरिष्ठ निरीक्षक गोविंद जाधव यांनी सांगितले की, या प्रकरणी चौकशी सुरू आहे. चंद्रकांत बागल हे व्यवसायाने सिव्हिल कॉन्ट्रॅक्टर असून त्यांनी राष्ट्रवादी काँग्रेसकडून २०१४ मध्ये पंढरपूर विधानसभा निवडणूक लढवली होती. त्या पराभवानंतर ते सक्रिय राजकारणापासून दूर आहेत. यापूर्वी ते सोलापूर जिल्हा परिषदेचे सदस्य सुद्धा राहिलेले आहेत.