पर्वती पोलीस ठाण्यात या प्रकरणी शुभम सुनील प्रभाळे, सुनील बबनराव प्रभाळे, ओंकार सुनील प्रभाळे, प्रशांत राजेंद्र प्रभाळे आणि भाग्यश्री सुनील प्रभाळे या पाच जणांविरुद्ध भारतीय दंड संहितेअंतर्गत फसवणूक व कटकारस्थानाचे गुन्हे नोंदवण्यात आले आहेत. फिर्यादी सूर्यकांत दत्तात्रय थोरात (वय ५३) हे दत्तवाडीतील विजयी चैतन्य सोसायटीमध्ये पत्नी अर्चना यांच्यासह राहतात. ते पूर्वी सारस्वत बँकेच्या सोमवार पेठ शाखेत अधिकारी म्हणून कार्यरत होते आणि काही वर्षांपूर्वी ते निवृत्त झाले आहे.
Pune News : राष्ट्रवादीच्या नेत्याच्या बॅगेत आढळली रिव्हॉल्वर, पुणे विमानतळावर खळबळ, वाराणसीला…
२०१९ मध्ये पत्नीचा भाऊ सुनील प्रभाळे याने संपर्क साधून सांगितले माझा मुलगा शुभम हा केंद्र सरकारच्या गुप्तचर खात्यात नोकरीला आहे. त्याने एका विशेष मिशनमध्ये महत्त्वाचं काम पूर्ण केलं आहे. या कामासाठी केंद्र सरकारकडून त्याला तब्बल ३८ कोटींचं बक्षीस मिळणार आहे. पण ही रक्कम मिळवण्यासाठी विविध शुल्क, कायदेशीर खर्च, वरिष्ठ अधिकाऱ्यांना भेटवस्तू द्यावी लागणार आहे.
Vasant More : अर्धा तास ड्रोन शोसाठी एक कोटी ‘उडवले’, वसंत मोरे चिडले, मुरलीधर मोहोळांना म्हणतात, हवेत उडणाऱ्यांनी…
या आमिषावर विश्वास बसावा म्हणून आरोपींनी थोरात यांच्याशी सतत संवाद साधला. शुभम व सुनील यांनी प्रक्रिया अंतिम टप्प्यात आहे, पैसे भरल्यानंतर रक्कम लगेच परत मिळेल असं पटवून दिलं. एवढंच नव्हे, तर विश्वास संपादन करण्यासाठी गृहमंत्री अमित शहा यांच्या नावाने बनावट कॉन्फरन्स कॉल आयोजित करून सरकारी अधिकाऱ्यांशी थेट संपर्क असल्याचा बनाव केला. यानंतर २०२० ते २०२४ दरम्यान वेगवेगळ्या कारणाखाली संरक्षण मंत्रालयातील अर्ज, वकिलांची फी, दिल्लीला जाण्याचा खर्च, वरिष्ठ अधिकाऱ्यांसाठी गिफ्ट्स यासाठी कोट्यवधी रुपये मागवले गेले.
Pune News : मेट्रोच्या कामासाठी पुण्यातील चार पदरी पूल पाडणार, तिथेच तीन मजली उड्डाणपूल उभारणार; कुठून-कसे वळवणार मार्ग?
फिर्यादी थोरात यांनी केवळ स्वतःचेच नाही, तर ओळखीच्या लोकांकडून उसने आणलेले पैसेही आरोपींना दिले. काही व्यवहार रोख स्वरूपात, तर काही थेट बँक ट्रान्सफरद्वारे करण्यात आले. यामध्ये शुभम प्रभाळे १.८२ कोटी रुपये, ओंकार प्रभाळे १०.९३ लाख, प्रशांत प्रभाळे – ४०.६७ लाख, सुनील प्रभाळे ७ लाख (रोख) भाग्यश्री प्रभाळे १.०५ लाख रुपये देण्यात आले. याशिवाय, १७ लाख, २५ लाख, १० लाख, ६.५ लाख, ३.५ लाख, ३ लाख अशा स्वतंत्र रकमा विविध खात्यांत जमा झाल्या. शेवटी एकूण ४,०६,०७,३५५ रुपये आरोपींनी लाटले.

चार वर्षं सतत पैसे घालूनही बक्षिसी रक्कम न मिळाल्यानं थोरात यांचा संयम सुटला. १५ सप्टेंबर २०२५ रोजी त्यांनी पर्वती पोलिसांकडे अधिकृत तक्रार नोंदवली. यानंतर पाच जणांविरुद्ध गुन्हा दाखल झाला. प्राथमिक तपासात आरोपींनी खोट्या ओळखी, बनावट कागदपत्रं आणि खोटे बँक व्यवहार वापरून कटकारस्थान रचल्याचं स्पष्ट झालं आहे. सर्व आरोपी हे धनकवडी आणि सहकारनगर परिसरात वास्तव्यास असल्याची माहिती पोलिसांनी दिली.
Pune Crime : पुणेकर सुनेने नवरा-सासूला बंगल्याबाहेर काढलं, घटस्थापनेच्या तोंडावर सासूला मोठा दिलासा, 40 वर्षांची परंपरा…
सध्या पोलिसांकडून संबंधित बँक खात्यांची चौकशी आणि आर्थिक व्यवहारांची फॉरेन्सिक तपासणी सुरू आहे. आरोपींची चौकशी तीव्र करण्यात आली असून आणखी काही नवे पुरावे समोर येण्याची शक्यता व्यक्त केली जाते. या प्रकारातून नागरिकांनी धडा घ्यावा, असा पोलिसांचा सल्ला आहे. मोठी रक्कम, सरकारी नोकरी किंवा बक्षीस मिळवून देण्याचं आमिष आलं, तर लगेच सावध व्हावं. अशा संशयास्पद बाबी तातडीने पोलिसांपर्यंत पोहोचवाव्यात असे आवाहन पोलीस अधिकाऱ्यांनी केले आहे.

लेखकाबद्दलहरिश मालुसरे हरिश मालुसरे, महाराष्ट्र टाइम्स ऑनलाईनमध्ये डिजिटल कंटेंट प्रोड्युसर म्हणून कार्यरत आहेत. 2020 पासून पत्रकारितेच्या क्षेत्रात आहेत. राजकीय, स्पोर्ट्स, आणि क्राईम या विषयांच्या बातम्यांमध्ये विशेष आवड. पुण्यातील आबासाहेब गरवारे महाविद्यालयात पत्रकारितेमध्ये आपली पदवीचे शिक्षण पूर्ण केले. त्यानंतर थोडक्यात, झी २४ तास, टीव्ही९ मराठी या माध्यमांमध्येही ऑनलाईन टीममध्ये काम केले आहे.… आणखी वाचा