Nashik Lesbian Wedding : तरुणी लग्नानंतर सतत फोनवर कोणाशी तरी बोलत असे, तसेच व्हिडीओ कॉल, चॅटिंगदेखील करीत असल्याने तरुणाला संशय आला
या प्रकरणात पोलिसांनी 27 वर्षीय तरुणीसह तिचे वडील आणि आई यांच्याविरोधात गुन्हा दाखल केला आहे. सामनगाव रोड, सिन्नर फाटा येथील रहिवासी तरुणाने दिलेल्या फिर्यादीनुसार त्याचा विवाह एका तरुणीसोबत झाला होता. मात्र, तिच्या वागण्यात तरुणाला विचित्रपणा जाणवू लागला होता. तिला अंगाला हात लावल्यास आत्महत्या करण्याची धमकी तिने फिर्यादी तरुणाला दिली होती, असे पोलिसांत दिलेल्या फिर्यादीत नमूद करण्यात आलेले आहे.
याचबरोबर तरुणी लग्नानंतर सतत फोनवर कोणाशी तरी बोलत असे. तसेच व्हिडीओ कॉल, चॅटिंगदेखील करीत असे. ‘एमकॉम’च्या परीक्षेसाठी तरुणी जेव्हा माहेरी गेली होती. यावेळी तिला लग्नात दिलेले तीन तोळे वजनाचे सोन्याचे गंठणही हरविल्याचे तिने तरुणाला सांगितले, असे फिर्यादीत म्हटले आहे.
ती माहेरून परत आल्यावर तिचा मोबाइल तरुणाने तपासला असता त्याला तरुणीच्या समलैंगिक विवाहाबाबत कळाल्याने हादरा बसला. याबाबत तिच्या वडिलांना फसवणूक का केली अशी विचारणा केली असता त्यांनी तरुणालाच शिवीगाळ करून धमकावल्याचेही पोलिसांत दिलेल्या फिर्यादीत नमूद करण्यात आले आहे. पोलिस हवालदार मोरे या गुन्ह्याचा पुढील तपास करीत आहेत.
Gujarat Crime : आहेस शुद्ध तर कर सिद्ध! दोन मुलांच्या आईला व्यभिचारी ठरवलं, सासरी उकळत्या तेलात हात बुडवले, शेवटी तर…
पत्नीने पुणे येथे तिची मैत्रिणीसोबत समलैंगिक विवाह केल्याची धक्कादायक बाब तरुणाला तरुणीचा मोबाइल तपासल्यावर निष्पन्न झाली. तरुणीने मैत्रिणीसोबत केलेले अश्लील चॅट, बाथरुममध्ये एकमेकींना विवस्त्र अवस्थेत केलेले व्हिडीओ कॉल, एकमेकींचे शारीरिक संबंधांचे व्हिडीओ, त्यात तरुणीने पती तरुणाचा कसा गेम करते बघ, अशी मैत्रिणीला केलेल्या व्हिडीओ कॉलमध्ये दिलेली धमकीदेखील फिर्यादी तरुणाला समजली.Pune Crime : अभ्यासात चांगले गुण हे FIR रद्द करण्याचा आधार नाही, उलट… कोंढव्यातील विद्यार्थिनीची आक्षेपार्ह पोस्ट, हायकोर्ट म्हणालं…
पत्नीच्या आईनेदेखील सुरुवातीला या प्रकाराबाबत कानावर हात ठेवले. परंतु, खुद्द तरुणीनेच मैत्रिणीसोबत आपण समलैंगिक विवाह केल्याचे आणि पुरुषांत आपल्याला काहीही स्वारस्य नसल्याचे, या प्रकाराची आई-वडिलांना कल्पना होती. मात्र, त्यांनी आपला विवाह बळजबरीने फिर्यादी तरुणाशी लावून दिले. तसेच हा विवाह होऊ नये म्हणून आपण घर सोडल्याचे, विषारी गोळ्या सेवन करून आत्महत्येचा प्रयत्न केल्याची कबुली दिल्याने तिच्या आईचेही बिंग फुटले. तिला सिगारेट, हुक्क्याचे व्यसन असल्याचेही यातून उघड झाले.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा