रविवारी पावसाने उसंत घेतल्याने विविध मंडळांनी रविवारी वाजत गाजत देवींच्या मूर्ती मंडपांमध्ये आणल्या. सोमवारी सकाळी विधींसह देवीची प्राणप्रतिष्ठा करण्यात येईल. नवरात्रीच्या काळामध्ये अनेक घरांमध्ये घटही बसतात. याच्या तयारीसाठी स्थानिक बाजारांमध्ये घटांसह माती, नवरात्रीमध्ये पेरली जाणारी धान्ये विक्रीसाठी उपलब्ध होती. दादरच्या बाजारामध्ये रविवारी नवरात्रीच्या तयारीच्या खरेदीसाठी मोठ्या प्रमाणात गर्दी उसळली होती.
निर्विघ्न उत्सवासाठी सुरक्षाकवच! नवरात्रोत्सवासाठी मुंबई पोलिस सज्ज; गरबा, दांडियांसाठी मार्गदर्शन सूचना जारी
पावसाने फुलांच्या बाजारावर विपरित परिणाम केल्याचे दिसत आहे. बाजारात आलेली अनेक फुले ओली असल्याचे दिसत होते. आवक कमी असल्याने स्थानिक बाजारांमध्ये झेंडूच्या फुलांचे दर १५० ते २०० रुपये किलोपर्यंत पोहोचले होते. तर दादरच्या बाजारामध्ये हा दर १०० रुपये किलो होता. शेवंतीच्या फुलांचाही दर १०० रुपये किलो होता. मात्र पुन्हा पाऊस पडला तर बाजारामध्ये उपलब्ध होणारी फुले आणखी कोमजलेली मिळतील या जाणिवेने उपलब्ध फुलांची भाविकांनी खरेदी केली. शुक्रवारी येणाऱ्या ललिता पंचमीच्या निमित्ताने तसेच पुढील आठवड्यात मंगळवारी येणाऱ्या दुर्गाष्टमीच्या निमित्ताने बाजारामध्ये फुलांच्या खरेदीसाठी गर्दी उसळेल, असा अंदाज आहे.
BKC ते कफ परेड मेट्रो सुसाट! दीड तासांचा प्रवास अर्ध्या तासावर, थांबे कोणते? तिकीट दर फक्त…
मुंबादेवी मंदिरामध्ये सकाळी ५.३० वाजता आरती करून मंदिर भाविकांसाठी खुले करण्यात येणार आहे. सकाळी ७ वाजता घटस्थापना करण्यात येईल. मुंबईतील बॉम्बे दुर्गाबारी मंडळातर्फे २८ सप्टेंबर ते २ ऑक्टोबरदरम्यान ऑगस्ट क्रांती मैदानाजवळ तेजपाल हॉल येथे दुर्गापूजेचे आयोजन करण्यात आले आहे. या मंडळाचे हे ९६वे वर्ष आहे. मुंबईतील विविध मंडळांमध्ये आजपासून दुर्गेची आराधना सुरू होईल. यासोबतच गरबा, दांडिया, भोंडला या गाण्यांवर मुंबईकर नऊ दिवस ताल धरतील.

पहिल्याच दिवशी पावसाचा इशारा
महामुंबई परिसरात नवरात्रीच्या पहिल्या दिवसासाठी मेघगर्जनेसह पावसाचा इशारा देण्यात आला आहे. सोमवारसाठी मुंबई, ठाणे, पालघर तसेच रायगड जिल्ह्यामध्ये तुरळक ठिकाणी मेघगर्जनेसह पाऊस पडेल. रत्नागिरी, सिंधुदुर्गमध्ये मेघगर्जनेसह पाऊस कालावधीत महामुंबईमध्ये मध्यम पडेल. मंगळवार ते गुरुवार या सरींची शक्यता आहे. रायगड, रत्नागिरी, सिंधुदुर्ग जिल्ह्यांमध्ये मंगळवारी आणि बुधवारी मेघगर्जनेसह पाऊस पडू शकेल. तर गुरुवारी रायगड आणि रत्नागिरीमध्ये तुरळक ठिकाणी मुसळधार पाऊस पडू शकेल.