घटनेची माहिती मिळताच निलंगा तहसीलदार प्रसाद कुलकर्णी यांनी तात्काळ घटनास्थळी भेट देऊन पाहणी केली. पोलिसांनीही पंचनामा केला आहे. दरम्यान, याचवेळी गावाशेजारील शेतात दुसऱ्या ठिकाणी वीज कोसळली. साधू भानुदास सरतापे यांच्या शेतात ही घटना घडली असून त्यांच्या एक बैल, एक म्हैस आणि एक कुत्रा जागीच ठार झाले. या दुर्घटनेमुळे शेतकऱ्यांचं मोठं नुकसान झालं आहे.

Chhatrapati Sambhajinagar: तरुण शेतात गेला अन् नको ते केलं; आई-वडील आणि भावंडांचा मन हेलावणारा आक्रोश

बाळाचा पोटातच मृत्यू

लातूर जिल्ह्यामध्ये प्रसुतीसाठी दाखल झालेली माता आणि बाळाचा मृत्यू झाल्याची घटना घडल्याने सर्वत्र खळबळ माजली आहे. लातूर जिल्ह्यातील निलंगा येथे उपजिल्हा रुग्णालयात गव्हाण येथील महिला प्रसूतीसाठी दाखल झाली होती. मात्र, पोटातच बाळाचा मृत्यू झाला. त्यानंतर सिजर करून लातूर येथे पुढील उपचारासाठी तिला रेफर करण्यात आले. मात्र, तिथे मातेचाही मृत्यू झाला. या घटनेने परिसरात एकच हळहळ व्यक्त केली जात आहे.

पुणे रेल्वे स्थानकात गुजरातच्या तरुणाकडे संशयास्पद बॅग दिसली; तपासणी करताच पोलिसांच्या हाती लागलं घबाड

याबाबत मिळालेल्या अधिक माहितीनुसार, नंदिनी शंकर पाटील ही गरोदर महिला 14 सप्टेंबर रोजी निलंगा येथील उपजिल्हा रुग्णालयात प्रसूतीसाठी दाखल झाली होती. 15 सप्टेंबरला तपासणी केली असता गर्भातच बाळाचा मृत्यू झाल्याने डॉक्टरने सिझेरियन शस्त्रक्रिया करून बाळ बाहेर काढले. परंतु, आईची तब्येत खालावत असल्याने पुढील उपचारासाठी तिला लातूर येथे रेफर करण्यात आले. परंतु त्या ठिकाणी मातेचा मृत्यू झाला. प्रसूतीसाठी आलेल्या मातेसह बाळाचा मृत्यू झाल्याने सर्वत्र हळहळ व्यक्त होते आहे. यानंतर निलंगा उपजिल्हा रुग्णालयातील डॉक्टर आणि कर्मचाऱ्यांनी वेळेत लक्ष न दिल्याने मातेसह बाळाचा मृत्यू झाल्याचा गंभीर आरोप नातेवाईकांनी केला आहे.