Navaratri 2025 : नवरात्रोत्सवामुळे शहरात वाहतूक मार्गात बदल करण्यात आले आहेत. कालिका देवी आणि रेणुका देवी मंदिराच्या यात्रेमुळे काही मार्ग बंद राहणार आहेत. २२ ऑक्टोबर ते २ ऑक्टोबर पर्यंत हे वाहतुकीतील बदल राहणार आहेत. पोलिसांनी पर्यायी मार्गांचा वापर करण्याचं आवाहन केलं आहे.
नाशिक : शहरातील नवरात्रोत्सवासाठी पोलिस बंदोबस्त तैनात केल्यानंतर आयुक्तालयाच्या वाहतूक शाखेने मुंबई नाका व भगूर परिसरातील वाहतूक मार्गात बदल केले आहे. कालिका देवी आणि रेणुका देवी मंदिर यात्रोत्सवानिमित्त संबंधित मार्ग उद्या, सोमवारपासून (दि. २२) दसऱ्यापर्यंत (दि. २) पूर्णपणे बंद राहतील. त्यामुळे इतर वाहतूक मार्गांचा वापर करण्याची अधिसूचना पोलिस उपायुक्त चंद्रकांत खांडवी यांनी जारी केली आहेत. प्रवेश बंद असलेल्या रस्त्यांवर पोलिसांची वाहने, रुग्णवाहिका, शववाहिका आणि अग्निशमन दलाची वाहने तसेच सदर परिसरातील रहिवाशांना (ओळखपत्र दाखवून) गर्दी नसलेल्या वेळेतच परवानगी असेल.
येथे असणार प्रवेश बंद
पर्यायी मार्ग
येथे असणार प्रवेश बंद
पर्यायी मार्ग
बॅरकेडिंग पॉइंट : त्र्यंबक नाका सिग्नल, गडकरी सिग्नल, मुंबई नाका टॅक्सी स्टँड, चांडक सर्कल, महापालिका आयुक्त बंगला, शिंगाडा तलाव, संदीप हॉटेल
भाविकांसाठी आनंदाची बातमी! नवरात्रीत सप्तश्रृंग गडावर धावणार 320 जादा ST बसेस, कसे असेल नियोजन?
येथे असणार प्रवेश बंद
गडकरी सिग्नल ते मुंबई नाका टॅक्सी स्टँडपर्यंत दोन्ही बाजूने
चांडक सर्कल ते हॉटेल संदीपपर्यंत दोन्ही बाजूने
पर्यायी मार्ग
१. तिडके कॉलनीतून नंदिनी नदी पूलावरून गोविंदनगरकडे जात तिथून इंदिरानगर, मुंबई नाका, सिटी सेंटरकडे वाहने मार्गस्थ होतील
२. चांडक सर्कलवरून सीबीएस, शालिमार, सारडा सर्कलवरून वाहने मार्गस्थ होतील
३. द्वारकाकडून येणारी सर्व वाहने सारडा सर्कलवरून शालिमारमार्गे येतील व जातील
४. सर्व प्रवाशी वाहने, सिटी लिंक बसेस त्र्यंबक नाका सिग्नलवरून गंजमाळमार्गे सारडा सर्कलमार्गे नाशिकरोडकडे मार्गस्थ होतील
५. हलकी वाहने मुंबई नाक्यावरून टॅक्सी स्टँडमार्गे तुपसाखरे लॉन्स, चांडक सर्कलवरून त्र्यंबकरोडमार्गे मार्गस्थ होतील
६. अंबड, सातपूर परिसरात जाणारी जड वाहने द्वारका सिग्नलवरून गरवारे टी पॉइंटमार्गे सातपूर व अंबड एमआयडीसीत जातील
७. द्वारका सिग्नलवरून पंचवटीत जाणारी जड वाहने कन्नमवार पूल, संतोष टी पॉइंट, रासबिहारी हायस्कूलमार्गे पंचवटीत जातील
८. सारडा सर्कलवरून गडकरी चौकात येणारी वाहने एन. डी. पटेल रस्त्यावरून जिल्हा परिषदेसमोरील रस्त्याचा वापर करतील
Nashik | नाशकात मुलभूत सुविधांसाठी विद्यार्थ्यांचा मोर्चा, खासदार भगरेंनी घेतली भेट
येथे असणार प्रवेश बंद
रेस्ट कॅम्परोड हा चिंतामणी चौफुली ते नाका क्रमांक दोनपर्यंत (दुपारी २ ते रात्री १२ पर्यंत)
पर्यायी मार्ग
भगूर गावातून देवळाली कॅम्पकडे येणारी जाणारी सर्व वाहने रेस्ट कॅम्प रस्त्यावरील जोशी रुग्णालय- स्नेहनगर-पेरुमल मार्ग-टेम्पल हिल रोड-जोझिला मार्ग-रेस्ट कॅम्प रस्त्यावरील सेंट्रल स्कूलमार्गे जातील व येतील. सणोत्सवात हा रस्ता वापरण्यासाठी पोलिस आयुक्तालयाने परवानगी घेतली आहे.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा