मिळालेल्या माहितीनुसार, पालघर तालुक्यातील बोईसर नजीक परनाळी येथील बालाजी कॉम्प्लेक्समधील एका सदनिकेत सुरेंद्र चंद सिंग (वय 34) आणि रेखा दुर्गादास वैष्णव (वय 25) हे दोघे जण लिव्ह – इन रिलेशनशिपमध्ये राहत होते. लिव्ह – इन रिलेशनशिपमध्ये असताना देखील रेखा वैष्णव हिचे हरीश सुखाडिया या तीस वर्षीय तरुणाबरोबर प्रेमसंबंध होते. या प्रेम संबंधाबाबतची माहिती सुरेंद्र सिंग याला मिळाल्यानंतर त्याने हरीश सुखाडिया याची चाकूने वार करत हत्या केली. हत्या करून आरोपी सुरेंद्र सिंग आणि रेखा वैष्णव हे दोघे फरार झाले.
Solapur News : कारला कट मारल्यानंतर अनमोलला संपवलं; माझे ते दोन शब्द ऐकले असते, तर…; ड्रायव्हरची धक्कादायक माहिती
हरीश सुखाडिया याचा मृतदेह बालाजी कॉम्प्लेक्समधील सुरेंद्र सिंग आणि रेखा वैष्णव राहत असलेल्या सदनिकेत आढळून आला. तारापूर पोलीस ठाण्यात या प्रकरणी भारतीय न्यायसंहितेच्या कलम 103 (1) अन्वये गुन्हा दाखल कण्यात आला. स्थानिक गुन्हे शाखेने या राजस्थान, मध्यप्रदेश आणि गुजरात या राज्यात फरार झालेल्या आरोपींचा शोध घेतला.

गुप्त बातमीदाराच्या मदतीने आणि तांत्रिक माहितीच्या आधारे सुरेंद्र चंद सिंग आणि रेखा दुर्गादास वैष्णव या दोघांना गुजरात राज्यातील वापी येथून ताब्यात घेतलं. दोघांचीही चौकशी केली असता प्रेम संबंधातून हरीश सुखाडिया याची हत्या केल्याची कबुली आरोपींनी दिली, दोनही आरोपींना पोलिसांनी अटक केली आहे. याप्रकरणी अधिक तपास तारापूर पोलीस करत आहेत.