या प्रकरणात पोलिसांनी लखन सुहास जाधव, वय ३० वर्ष, रा. सर्वोदय कॉलनी, मुंढवा, याला अटक केली असून, त्याचा साथीदार चांद शेख, रा. मुंढवा, फरारी आहे. या प्रकरणी शिरूर येथील ५६ वर्षीय महिलेने शिवाजीनगर पोलिस ठाण्यात तक्रार दिली आहे.

नेमकं काय घडलं?

तक्रारदार महिला सोमवारी सायंकाळी पीएमपी बसने सणसवाडी येथून प्रवास करत महापालिका भवन येथे उतरल्या. त्या वेळी आरोपी जाधव आणि शेख या दोघांनी महिलेला उतरायला मदत करण्याचा बहाणा करून त्यांची पिशवी धरून ठेवली.

गोंधळात जाधवने कटरने महिलेच्या हातातील सोन्याची बांगडी तोडली आणि बसमधून उडी मारून पसार होण्याचा प्रयत्न केला. हा प्रकार लक्षात आल्याने वाहकाने तत्काळ धाव घेऊन पाठलाग केला आणि जाधवला पकडून पोलिसांच्या ताब्यात दिले.
Nagpur Crime : सुधीर खरंच बाथरुममध्ये नळ लागून गेला, कुटुंबाचा बनाव, PM रिपोर्टमध्ये नाट्यमय उलगडा, वहिनी-आईसोबत…
त्याचा साथीदार शेख मात्र फरारी झाला असून, पोलिसांकडून त्याचा शोध सुरू आहे. या प्रकरणाचा तपास सहायक निरीक्षक दीपक रोमाडे करत आहेत.

‘शेअर्स’साठी सुशिक्षितांकडून सोने चोरी

दरम्यान, गेल्या आठवड्यामध्ये रामवाडीत वृद्ध महिलेकडे पिण्यासाठी पाणी मागत त्यांच्या गळ्यातील सोन्याची पोत खेचून पोबारा केलेल्या दोघा संशयित सोनसाखळी चोरट्यांना शहर गुन्हेशाखेच्या युनिट एकच्या पथकाने बेड्या ठोकल्या. शेअर मार्केट ट्रेडिंगचा व्यवसाय करण्यासाठी सदरचा गुन्हा केल्याची कबुली दिली आहे. सुशिक्षित घरातील असलेल्या या संशयितांना तपासकामी पंचवटी पोलिसांच्या ताब्यात दिले आहे.
BMW Car Crash : पतीच्या चेहऱ्यावरुन हात फिरवला, स्ट्रेचरवरुनच जखमी पत्नीचा नवऱ्याला अखेरचा निरोप, अनेकांना हुंदका अनावर
प्रथमेश नितीन उशीर, २२, रा. निशिगंधा अपार्टमेंट, टाकळी रोड, शांतीपार्क, उपनगर आणि जोएल डॅनियल म्हस्के, १९, रा. ओमकार हाइट्स, परिजातनगर, जेलरोड, अशी अटक करण्यात आलेल्या दोघा संशयितांची नावे आहेत. संशयितांनी गेल्या गुरुवारी, दि. ११ सप्टेंबर रोजी रामवाडीतील नंदिनी नारायण नायक, वय ६५, रा. श्रद्धा पार्क, रामवाडी, यांचा त्यांच्या फ्लॅटपर्यंत पाठलाग केला. त्यानंतर त्यांच्याकडे पिण्यासाठी पाणी मागत त्यांच्या गळ्यातील सोन्याची पोत हिसकावून पोबारा केला होता.