परिवहन मंत्री प्रताप सरनाईक यांनी अचानक स्वारगेट आगाराला भेट दिली. यावेळी त्यांनी आगारातील उणिवा, प्रलंबित प्रश्न आणि कर्मचाऱ्यांच्या तक्रारींबाबत चौकशी केली. स्वारगेट बसस्थानकाची दुरावस्था, सोयी-सुविधांची कमतरता, तसेच दत्ता गाडे प्रकरणात…निलंबित करण्यात आलेल्या अधिकाऱ्याला विभागीय चौकशी सुरू असतानाही…त्याच आगारात पुन्हा काम देण्यात आल्याबद्दल त्यांनी नाराजी व्यक्त केली.यावरून परिवहन मंत्री सरनाईक संतापले आणि संबंधित अधिकाऱ्यांना जाब विचारला. निलंबित अधिकारी चौकशी सुरू असताना पुन्हा त्याच पदावर कसा काय परतला?असा थेट सवाल करून त्यांनी जबाबदार अधिकाऱ्यांना झापलं.तसेच संबंधित अधिकाऱ्याची त्वरित बदली करण्याचे निर्देश दिले.