या हत्या प्रकरणी पोलिसांनी यापूर्वी 8 जणांना बेड्या ठोकल्या आहेत. यामध्ये आंदेकर टोळीचा मुख्य बंडूअण्णा राणोजी आंदेकर (वय 64), तुषार वाडेकर (वय 24), स्वराज वाडेकर (वय 21), वृंदावनी वाडेकर (वय 40), तसेच अमन युसूफ पठाण उर्फ खान (वय 22, सर्व राहणार नानापेठ), सुजल मेरगू (वय 23) यांना बुलढाणा परिसरातून अटक करण्यात आली होती. तर अमित पाटोळे (वय 19), यश पाटील (वय 19) या दोघांना पोलिसांनी हत्येच्या दुसऱ्या दिवशी ताब्यात घेतलं होतं. अमन पठाण आणि यश पाटील याच दोघांनी आयुषवर गोळ्या झाडत त्याला संपवलं होतं.
Pune Gang War: अर्णव रडत होता, आयुष निपचित पडलेला; त्यादिवशी बेसमेंटमध्ये नेमकं काय घडलं? कोमकर हत्याकांडाची नवी माहिती

इमारतीच्या बेसमेंटमध्ये लहान भावासमोरच आयुषवर गोळ्या झाडल्या

वर्षभरापूर्वी आंदेकर आणि कोमकर या दोन कुटुंबातील टोळी युद्ध तेव्हा समोर आलं जेव्हा राष्ट्रवादीचे माजी नगरसेवक नवराज आंदेकर यांची 1 सप्टेंबर 2024 रोजी गोळ्या घालून आणि कोयत्याने वार करुन हत्या करण्यात आली. पुण्यातील नाना पेठ येथे त्यांच्या निवासस्थानाजवळच त्यांची हत्या करण्यात आली होती. वनराज आंदेकर यांच्या हत्येचा बदला घेण्यासाठी आंदेकर टोळीकडून या हत्या प्रकरणातील मुख्य आरोपी असलेल्या गणेश कोमकरचा मुलगा 19 वर्षीय आयुष कोमकरची गोळ्या झाडून हत्या केली.
Pune Gangwar : आयुष कोमकर हत्या प्रकरणात मोठी माहिती समोर, आंदेकर टोळीच्या रडारवर सोम्याचीही गँग, पण…
पुण्यातील नाना पेठच्या लक्ष्मी कॉम्प्लेक्समध्ये कोमकर कुटुंब वास्तव्यास आहे. 5 सप्टेंबर 2025 ला संध्याकाळी साडे सात वाजण्याच्या सुमारास आयुष हा लहान भाऊ अर्णवला क्लासमधून घेऊन आला. इमारतीच्या बेसमेंटमध्ये हे दोघं पोहोचले, अर्णव गाडीवरुन खाली उतरला आणि आयुष गाडी पार्क करत होता. तेवढ्यात त्याच्यावर पाळत ठेवून बसलेले दोघे म्हणजेच अमन पठाण आणि यश पाटील आले आणि त्यांनी आयुषवर तब्बल 12 राऊंड फायर केले. त्यापैकी 9 गोळ्या आयुषला लागल्या आणि तो तिथेच रक्ताच्या थारोळ्यात पडला. त्यानंतर हे आरोपी म्हणाले की, इथे फक्त बंडू आंदेकर आणि कृष्णा आंदेकर, त्यानंतर ते पळून गेले. या घटनेने पुण्यात गँगवॉर पुन्हा एकदा चर्चेत आलं आहे.