मराठा नेते मनोज जरांगे पाटील यांचं आज बीडच्या नारायण गड येथे जंगी स्वागत करण्यात आलं. यावेळी मनोज जरांगे यांनी मराठा बांधवांसोबत संवाद साधला. यावेळी मनोज जरांगेंनी आपल्या भाषणात आपला प्लॅन बी देखील सांगितला. राज्य सरकारने हैदराबाद गॅझेटियरनुसार जात प्रमाणपत्र देण्यास मंजुरी दिली आहे. पण तसं न झाल्यास काय करणार? याबाबत मनोज जरांगेंनी माहिती दिली आहे. राज्य सरकारने दिलेला शब्द पाळला नाही तर उपोषण करणार नसल्याचं म्हणाले. तर मंत्र्यांना महाराष्ट्रात फिरु देणार नाही, असा इशारा जरांगे यांनी दिला आहे. तसेच ग्रामीण महाराष्ट्रातून शहरात जाणारा भाजीपाला, दूध बंद करु, असाही…प्लॅन तयार असल्याचं जरांगे यांनी स्पष्ट केलं. यामुळे सरकारसाठी हा मोठा इशारा आहे.