मराठा आरक्षणाची मागणी मागील अनेक वर्षांपासून सुरू होती. यापूर्वी ५८ मोर्चे निघाले होते. मागील दोन वर्षांपासून मनोज जरांगे पाटील यांच्या नेतृत्वात आरक्षणाचा लढा वाढत गेला. रस्ता रोको आंदोलनासह अनेक मोर्चे देखील काढण्यात आले. गावात राजकीय नेत्यांना बंदी देखील घालण्यात आली होती. याच मागणीसाठी अनेकांनी आपली जीवनयात्रा संपवली. एकट्या नांदेड जिल्ह्यात आता पर्यंत ३४ जणांनी आरक्षणासाठी आत्महत्या केली होती.
सरकारकडून मराठ्यांची फसवणूक? प्रकाश आंबेडकरांनी थेट हायकोर्टाच्या निकालाचा दाखला देत केला गंभीर आरोप
दरम्यान आत्महत्या केलेल्या कुटुंबियांना आर्थिक मदत देण्याची मागणी मनोज जरांगे पाटील यांनी आपल्या उपोषणा दरम्यान केली होती. त्यापैकी नांदेडमधील आत्महत्या केलेल्या २१ जणांच्या कुटुंबियांना शासनाने प्रत्येकी १० लाख रुपयाची मदत जाहीर केली आहे. विशेष म्हणजे यापूर्वी आत्महत्या केलेल्या १३ कुटुंबियांना आर्थिक मदत आणि दोन जणांना शासकीय नोकरीचा लाभ देण्यात आला आहे.
Maratha Reservation: मराठा आरक्षण GR नंतर छगन भुजबळ यांनी पहिलं मोठं पाऊल उचललं; थेट मुख्यमंत्र्यांवर नाराजी?
संजय गोविंदराव खानसोळे ( रा.कामळज ता मुदखेड ), प्रकाश व्यंकटी जाधव (रनसुगाव ता. नायगाव), सुमित शरद ढेम्बरे (रा. बेरळी ता. लोहा), तानाजी बाबाराव जाधव (रा. डोर ता. अर्धापूर ), प्रमोद जानकीराम भुजबळ (रा. धानोरा ता. लोहा), प्रभाकर नामदेव पवार (रा. खरबी ता. लोहा), तिरुपती रामचंद्र लांडगे (रा. मांडणी ता. नायगाव), राजेश बालाजी भाकरे (रा. गडगा ता. नायगाव ), सम्रत हणमंत जाधव (रा. केदारवडगाव ता. नायगाव), शाम संजय कपाटे (रा. येळेगाव ता. अर्धापूर), अमोल विश्वभंर शिंदे (रा. कासारखेडा ता नांदेड).

किशन बाबुराव आबादार (रा. सावरगाव ता. अर्धापूर ), जयवंत माधव पुयड (रा. वाडीपुयड ता नांदेड), शिवाजी पांडुरंग सितापराव (रा. रोडगी ता. अर्धापूर ), कृष्णा हणमंत जाधव (रा. देगांव ता. अर्धापूर ), बाबुराव उर्फ साईनाथ प्रकाश कोरडे (रा. तरोडा नांदेड), सुमित शरद ढेबरे (रा. बेरली ता. लोहा), गजानन उद्धवराव देशमुख (रा. इरापूर ता. हदगाव), भिवजी देविदास बेलकर (रा. बळेगाव ता. नायगाव), आनंदा बळवंत शिंदे (रा. कोलंबी ता. नायगाव ), बालाजी नारायण जाधव (रा. चौडी ता. लोहा ) आदी आत्महत्या केलेल्या कुटुंबियांना आर्थिक मदत मिळणार आहे.