करमाळा तालुक्यात आयपीएस अंजना कृष्णा यांच्या समर्थनार्थ शेतकरी हळूहळू रस्त्यावर उतरू लागले आहेत. शेतकरी नेते अतुल खूपसे यांनी आंदोलनाचा इशारा दिला होता. त्यापूर्वीच सोलापूर पोलिसांनी 15 ते 20 जणांवर गुन्हे दाखल केले आहेत. करमाळ्याच्या आई कमलाभवानी मंदिरापुढे अंजना कृष्णा यांच्या फोटोला दुग्धाभिषेक करत आयपीएस अधिकारी अंजना कृष्णा यांचं मनोधैर्य वाढवण्यासाठी ही कृती करण्यात आली आहे. लाडक्या बहिणीचा अपमान महाराष्ट्र कधीच सहन करणार नाही, अशी प्रतिक्रिया अतुल खूपसे यांनी दिली आहे. महाराष्ट्र हा शिवरायांचा आहे, इथं स्त्रीला इज्जत दिली जाते, अशा आशयाचा मजकूर करमाळा येथील शेतकऱ्यांनी बॅनरवर लिहिला होता.

Washim News : ‘ए बाप्पा थांब ना रे…’, दोन वर्षांच्या शांभवीला रडताना पाहून तुम्हीही व्हाल भावूक, पाहा Video

नेमकं काय घडलं?

प्रशासनावर वचक ठेवणारे लोकप्रतिनिधी म्हणून अजित पवार यांची ख्याती आहे; परंतु सोलापूरमधील पोलिस उपअधीक्षकांशी बोलताना त्यांना दमदाटी केल्याचा प्रकार समोर आला. व्हायरल झालेल्या व्हिडिओच्या आधारे हे आरोप करण्यात येत आहेत. दरम्यान, याविषयी राष्ट्रवादी काँग्रेसकडून विरोधकांकडून खोडसाळपणा करून हा प्रचार करण्यात येत असून, शेतकऱ्यांचे म्हणणे ऐकून त्यांच्यावर कारवाई करा, असे पवारांचे सांगणे होते; परंतु ते दम देत असल्याचा खोटा प्रचार करणे गैर असल्याचे स्पष्टीकरण देण्यात आले आहे.

सोलापूरच्या माढा तालुक्यातील कुर्डू गावात रस्त्यासाठी सुरू असलेल्या मुरुम उत्खननाच्या तक्रारीनंतर पोलिस उपअधीक्षक अंजली कृष्णा घटनास्थळी पोहोचल्या. या वेळी स्थानिक ग्रामस्थांबरोबर त्यांची शा ब्दिक चकमक झडली. यादरम्यान तेथील एका शेतकऱ्याने थेट उपमुख्यमंत्री अजित पवार यांना फोन लावून त्यांचे बोलणे उपअधीक्षक कृष्णा यांच्याशी करून दिले. व्हायरल झालेल्या व्हिडिओत कृष्णा यांनी पवार यांचा आवाज ओळखला नसल्याने पवार स्वतःची ओळख देऊन तुमची इतकी हिंमत की मला ओळखले नाही, असे बोलत असल्याचे ऐकू येत आहे. त्या वेळी कृष्णा यांनी पवार यांना तुम्ही माझ्या फोनवर कॉल करून बोला असे सांगितले. त्यावर पवार संतापल्याचे दिसून आले आणि मी तुमच्यावर कारवाई करीन असा इशाराही त्यांनी दिला. कृष्णा यांचा मोबाइल नंबर घेतल्यानंतर पवार यांनी थेट व्हिडिओ कॉल करून कारवाई थांबवण्याचे आदेश दिले.