‘मराठा समाजाला शिक्षण आणि नोकरीत आरक्षण हवे आहे, त्यासाठी ओबीसीतून आरक्षण देण्याची गरज नाही’, असे मुधोजी राजे भोसले यांनी स्पष्ट केले. ‘जरांगे पाटील यांच्या आंदोलनाला शुभेच्छा आहेत; मात्र ओबीसीतून मराठा समाजाला आरक्षण देण्यास आम्ही विरोध करतो. मुख्यमंत्री देवेंद्र फडणवीस यांनी मराठा आरक्षणासाठी त्यांच्या मुख्यमंत्रिपदाच्या कार्यकाळात जे काम केले, ते कौतुकास्पद आहे. आता न्यायालयात टिकेल, असेच आरक्षण मराठा समाजाला हवे आहे, आणि त्यावर मराठा समाज ठाम आहे. आम्ही मराठा आहोत, त्याचा अभिमान आहे. आम्ही देणारे आहोत, अशा स्थितीत कोणाचा अधिकार हिसकावून आरक्षण घेण्याचा प्रश्न येत नाही’, असे भोसले म्हणाले.
भाजपचा पहिला नेता मनोज जरांगे यांच्या भेटीला, मुंबईत हालचाली वाढल्या
दरम्यान, जरांगे यांच्या नेतृत्वात मुंबईत मराठा समाज बांधवांनी आंदोलन सुरू केले आहे. त्यामुळे सरकार जरांगेंच्या मागण्यांवर काय निर्णय घेते याकडे समाजाचे लक्ष लागले आहे. त्याचबरोबर या आंदोलनाला प्रत्युत्तर म्हणून राष्ट्रीय ओबीसी महासंघाकडूनही नागपुरात आज, शनिवारपासून संविधान चौकात आंदोलन सुरू करण्यात येणार आहे.

मुंबईत मराठ्यांचं वादळ, मनोज जरांगेंचं उपोषण सुरु

मराठा आरक्षणासाठी पुन्हा एकदा मराठा नेते मनोज जरांगे पाटील यांनी उपोषणाचं हत्यार उपसलं आहे. त्यांनी आज मराठा आंदोलकांसह मुंबई गाठलं आणि मुंबईच्या आझाद मैदानात आज सकाळपासून मनोज जरांगेंच्या उपोषणाला सुरुवात झाली आहे. मुंबई मराठा आंदोलकांचा जनसागर उसळला आहे. आझाद मैदान मराठ्यांनी भरला आहे. दरम्यान, पोलिसांनी मनोज जरांगे यांच्या आंदोलनाला आणखी एक दिवसाची मुदतवाढ दिली आहे. त्यामुळे उद्याही हे उपोषण सुरु राहिल. तर, मनोज जरांगे यांनी सरकारकडे मागण्या पूर्ण करण्याची मागणी केली आहे.