ज्या मुलाने आईचा खून केला त्याच्या वडिलांनीही दोन महिन्यांपूर्वीच आपल जीवन संपवल्याचा धक्कादायक प्रकार घडला आहे. तेव्हापासून या मुलाला गेल्या दोन महिन्यांपासून मोठा मानसिक धक्का बसल्याची प्राथमिक माहिती पोलिस तपासात समोर आली आहे. मात्र, या धक्कादायक आणि संतापजनक घटनेचं नेमकं कारण अद्याप समजू शकलेले नाही त्याचा तपास रत्नागिरी शहर पोलीस युद्धपातळीवर करत आहेत.
Nikki Murder Case: निक्की गॅस सिलिंडरच्या स्फोटामुळे होरपळली? नव्या माहितीने पोलिसही चक्रावले, कहाणीत मोठा ट्विस्ट
ज्या महिलेचा खून करण्यात आला आहे त्या आईचं नाव पूजा तेली असे आहे. रत्नागिरी शहरानजीक नाचणे येथे हा अत्यंत धक्कादायक प्रकार घडला आहे. तर, अनिकेत असे या हत्या करणाऱ्या मुलाचे नाव असून त्याच्या वडिलांनी ही दोन महिन्यांपूर्वी आपल्या आयुष्याची अखेर केल्याची माहिती पोलिस तपासात पुढे आली आहे. तेव्हापासूनच हा मुलगा नैराश्याच्या अवस्थेत होता त्यातूनच त्याने हे कृत्य केल असावे, असा पोलिसांचा प्राथमिक अंदाज आहे.

हा प्रकार नेमका केव्हा घडला, हे अद्याप समजू शकलेलं नाही, मंगळवारी (26 ऑगस्ट) पहाटे पाचच्या सुमारास आजूबाजूच्या लोकांना समजल्यानंतर तात्काळ याची माहिती पोलिसांना देण्यात आली. आपली जीव देण्याचा प्रयत्न केलेला मुलगा अत्यवस्थ असून त्याच्यावर शासकीय जिल्हा रुग्णालयात उपचार सुरू आहेत. त्यामुळे त्याचा जबाब पोलिसांना सायंकाळी उशिरापर्यंत घेता न आल्याने या प्रकाराचे गूढ कायम आहे. या घटनेचे वृत्त कळताच जिल्हा पोलीस अधीक्षक नितीन बगाटे यांच्या मार्गदर्शनाखाली अतिरिक्त जिल्हा पोलीस अधीक्षक बाबुराव महामुनी, शहर पोलीस निरीक्षक विवेक पाटील पोलीस पथकासह घटनास्थळी दाखल झाले होते.
Ratnagiri Breaking : पोटच्या मुलानेच आईचा निर्दयीपणे जीव घेतला, नंतर स्वत:लाही संपवण्याचा प्रयत्न; ऐन गणेशोत्सवात रत्नागिरी हादरलं
या सगळ्या धक्कादायक घटनेची नोंद करण्याची कार्यवाही रत्नागिरी शहर पोलिसांकडून सुरू आहे. या प्रकरणाचा पंचनामा करण्यात आला असून या प्रकरणाची नोंद करण्याचे काम रात्री उशिरापर्यंत सुरू होतं.