यंदा गणेशोत्सवात पहिल्यांदाच जिल्हा न्यायालय ते स्वारगेट या मार्गावर मेट्रो सुरू असेल. या मार्गावरील कसबा, मंडई, स्वारगेट ही मेट्रो स्थानके सुरू झाली आहेत. ही स्थानके थेट मानाच्या गणपतीच्या सभोवती आहेत. त्यामुळे प्रवाशांना गर्दी टाळून मेट्रोने गणेशोत्सव पाहायला जाता येईल. नागरिक रात्री १२ पर्यंत देखावे, गणपती पाहण्यासाठी येतात. त्यामुळे मध्यरात्री दोनपर्यंत मेट्रो सेवा सुरू राहील. त्यामुळे मेट्रोच्या फेऱ्या वाढणार आहेत.
OBC Caste: ओबीसीमध्ये आणखी ‘या’ २९ जातींचा होणार समावेश? राज्य सरकार पाठविणार केंद्राकडे प्रस्ताव
मध्य वस्तीमधील मंडई, कसबा येथे गर्दी होऊ नये; म्हणून नियोजन केले आहे. अनंत चतुर्दशीच्या दिवशी सकाळी सहा वाजता सुरू झाल्यानंतर मेट्रो सेवा दुसऱ्या दिवशी रात्री ११ अशी सलग ४१ तास सुरू राहील.

गणपतीआधी पूल सुरू होणार
छत्रपती संभाजी उद्यान मेट्रो स्थानकाजवळील नदीवरील पूल गणेशोत्सवाच्या अगोदर सुरू करण्याचे नियोजन मेट्रो प्रशासनाने केले आहे. त्यासाठीची सर्व तयारी मेट्रो प्रशासनाने केली आहे. हा पूल सुरू झाल्यानंतर नारायण, शनिवार पेठ मेट्रोसोबत जोडली जाणार आहे. त्याचा प्रवाशांना मोठा फायदा होणार आहे.
Pune News : मोठी बातमी! पुण्यातील ‘या’ तालुक्याचं नाव बदललं, महाराजांच्या पहिली राजधानी असलेल्या किल्ल्याचं ठेवलं नाव, पाहा कोणत्या?
असे असणार गणपती काळातील नियोजन
२७ ते २९ ऑगस्ट – सकाळी सहा ते रात्री ११
३० ऑगस्ट ते पाच सप्टेंबर – सकाळी सहा ते पहाटे दोन
सहा ते सात सप्टेंबर -सकाळी सहापासून सलग ४१ तास