भर सभेत बोलताना प्रशांत पवार म्हणाले की, “आम्ही भाजपसोबत युती करून खासदार निवडून आणले. तरीदेखील आमच्या पदाधिकाऱ्यांना न्याय मिळत नाही. निधी वाटपात भेदभाव केला जातो, जिल्हाधिकाऱ्यांच्या दारात गेले तरी एक रुपयाचं काम होत नाही. कार्यकर्त्यांना सतत उपेक्षा सहन करावी लागते.”
Kolhapur Rahul Patil : अजित पवार गटात पक्षप्रवेशाची घोषणा करताच पी.एन. पाटलांच्या लेकाने स्पष्टच सांगितले, आता लढाई…
ते पुढे म्हणाले की, “पक्षाचा मंत्री महाराष्ट्रात असतो पण कार्यकर्त्यांना भेटायला येत नाही. मंत्री कधी येणार, त्यांची भेट कधी घडवली जाईल याबाबतही कोणतीही माहिती दिली जात नाही. कार्यकर्त्यांशी संवाद होणे आवश्यक आहे, अन्यथा पक्षवाढ होणार कशी?” शहराध्यक्षांनी कार्यकर्त्यांच्या मेहनतीकडे लक्ष वेधले. “आम्ही 18 हजार सदस्य केले, वंचितचे कार्यकर्ते आमच्यात सामील झाले. आंदोलने केली, तरी महापालिका आयुक्त भेटायला तयार नाहीत, पोलीस प्रशासनही अडथळे निर्माण करते. नियम दाखवून आंदोलनासाठी जागा नाकारली जाते. हे योग्य नाही,” असे ते म्हणाले.

दंडाधिकारी म्हणून नाव आले नाही, महत्त्वाच्या समित्यांतून वगळले जाणे आणि धुरा प्रफुल्ल पटेल यांच्या बाबतीत फोन न घेणे या गोष्टींवरही त्यांनी रोष व्यक्त केला. “कार्यकर्त्यांचा आत्मसन्मान जपणे आवश्यक आहे. ‘चादर पाहून पाय पसरावे’ असे सांगितले जाते, पण खऱ्या अर्थाने चादर जनतेच्या हातात आहे. मेहनत आमची आणि मान कुणा दुसऱ्याला, हे आता थांबले पाहिजे,” असे पवारांनी स्पष्ट केले.

त्यांनी युतीबाबतही शंका व्यक्त केली. “युतीच्या नावाखाली आमची तिकिटे कापली जाऊ नयेत. कार्यकर्त्यांनी घाम गाळून उभे केलेले नेतृत्व दुर्लक्षित करू नये,” अशी ठाम भूमिका त्यांनी घेतली. प्रशांत पवार यांच्या नाराजीमुळे आता स्थानिक पातळीवर नवा राजकीय वादळ निर्माण झाले आहे. युतीत असतानाही पक्षाच्या कार्यकर्त्यांना अन्याय सहन करावा लागत असल्याची भावना बळावत आहे.