राष्ट्रवादी अजित पवार गटाच्या नव्या कार्यालयाचं पुण्यात आज उद्घाटन झालं. या उद्घाटनानंतर स्वत: प्रदेशाध्यक्ष आणि खासदार सुनील तटकरे यांनी माध्यमांशी संवाद साधला. यावेळी बोलताना त्यांनी विरोधकांवर निशाणा साधत रोहित पवारांवर टीका केलीये. ते म्हणाले, सोन्याचा चमचा घेऊन जन्माला आलेल्यांना आमच्याबद्दल काय कळणार. १९८५ मध्ये मी निवडणूक लढवली होती, तेव्हा त्यांचा जन्म सुद्धा झाला नव्हता. त्यामुळे त्यांनी फारशी टीका आमच्या कार्यालयावर करू नये. पार्थ पवार यांनी मेहनत घेतली याचा आम्हाला अभिमान आहे. दादा आणि माझं काय नातं आहे संपूर्ण राज्याला माहिती आहे.