Kalyan Crime News : एका 22 वर्षीय विवाहित तरुणीने भाजपचे माजी आमदार नरेंद्र पवार आणि बडतर्फ पोलीस शैलेश पाटील यांच्याविरोधात सामूहिक अत्याचाराचा आरोप केला आहे.
नेमकी घटना काय?
पोलिसांनी दिलेल्या माहितीनुसार, कल्याण पश्चिम भागात राहणाऱ्या एका 22 वर्षांच्या पीडित विवाहित तरुणी हिचा पतीसोबत वाद असल्यानं त्या वादात मध्यस्थी करण्यासाठी भाजपचे माजी आमदार नरेंद्र पवार यांनी तरुणीला आपल्या कार्यालयात बोलावलं होतं. त्यानंतर 13 सप्टेंबर गुरुवारी रोजी माजी आमदार नरेंद्र पवार व त्यांचा साथीदार बडतर्फ पोलीस कर्मचारी शैलेश पाटील यांनी तिला भिवंडी तालुक्यातील बापगाव येथे आपल्या खासगी फार्महाऊस येथे आणलं. तेथे तिला शस्त्राचा धाक दाखवून आणि दारू पाजून तिच्यावर शारीरिक अत्याचार केले. अत्याचारच्या रात्री दोन वाजता माजी आमदार नरेंद्र पवार तेथून निघून गेल्यानंतर शैलेश पाटील यानेसुद्धा या पीडीत तरुणीवर अत्याचार केल्यानंतर पहाटे चार वाजता शैलेश पाटील यांच्या घरचा केअरटेकर याने पीडित तरुणीला तिच्या घरी आणून सोडलं.
Jhiram Ghati Case : काँग्रेसची अवघी फळी संपवणाऱ्या जिरम घाटी प्रकरणाचा अखेर निकाल; पण हल्ल्यातील ‘मास्टरमाइंड’ कारवाईच्या कक्षेबाहेर!
काँग्रेस नगरसेविका यांना सांगितली घटना
घडलेल्या प्रसंगाने भयभीत झालेल्या विवाहित पीडित तरुणीने काल बुधवारी रोजी काँग्रेस नगरसेविका कांचन कुलकर्णी यांच्याकडे घडलेला प्रसंग सांगत मदत मागितली. तेव्हा तरुणीने आपल्यावर भाजपचे माजी आमदार नरेंद्र पवार व बडतर्फ पोलीस कर्मचारी शैलेश पाटील याने अत्याचार केल्याचं व त्यासंबंधी आपल्याकडे व्हिडिओ व मोबाईल व्हॉट्सॲप चॅट असल्याचं दाखवलं. त्यानंतर पीडित तरुणीला घेऊन रात्री कांचन कुलकर्णी पडघा पोलीस ठाण्यात दाखल झाल्या. तेथे पहाटे माजी आमदार नरेंद्र पवार व शैलेश पाटील या दोघांविरोधात सामूहिक अत्याचाराचा गुन्हा दाखल केला आहे. ‘पोलिसांनी मला आता न्याय द्यावा. यांनी अशा पद्धतीने किती महिलांचं आयुष्य उध्वस्त केलं असेल, त्यामुळे यांना कठोर शिक्षा द्यावी’, अशी मागणी पीडित तरुणीने केली आहे.
व्हिडिओ व मोबाईल चॅट बघितल्यानंतर तक्रार दाखल
नगरसेविका कांचन कुलकर्णी यांनी सांगितलं की, ‘पीडित तरुणीने माझ्या इंस्टाग्राम अकाऊंटवरील मोबाईलवर संपर्क साधून मदत मागितली. मी तिला भेटले असता तिने जी घृणास्पद कहाणी सांगितली, ती ऐकून माझ्या पायाखालची जमीन हादरली. तिच्याजवळील व्हिडिओ व मोबाईल चॅट बघितल्यानंतर मी तत्काळ पीडित तरुणीला घेऊन रात्री पडघा पोलीस ठाण्यात दाखल झाले. पोलीस महासंचालक सदानंद दाते यांना रात्री संपर्क केल्यानंतर त्यांनी पडघा पोलीस ठाण्यात गुन्हा दाखल करण्याच्या सूचना दिल्या. पडघा पोलीस ठाण्याचे वरिष्ठ पोलीस निरीक्षक पंकज गिर यांनी रात्री उशिरा सर्व खातरजमा करून शस्त्राचा धाक दाखवून सामूहिक अत्याचार केल्याप्रकरणी गुन्हा दाखल केला आहे’.
Pune Crime : 23 वर्षीय मुलीचा पळून धर्माबाहेर विवाह, पित्याने पुणे गाठलं, लेक-जावयाला उचलून लॉजवर नेलं, बापासह पोलिसाला अटक
‘ही घटना अत्यंत निंदनीय काळिमा फासणारी असून देशात आणि राज्यात लाडकी बहीण म्हणून ढिंडोरा पिटणाऱ्या भाजपचा माजी आमदार अशा पद्धतीने कृत्य करीत असेल तर त्यांना कठोर शिक्षा झाली पाहिजे. तर शैलेश पाटील हा सराईत गुन्हेगार असून यापूर्वी त्याच्यावर परदेशी महिलेवर अत्याचार केल्याप्रकरणी तर स्वतःच्या आईला शस्त्राचा धाक दाखवून तिच्या नावे असलेली जमीन आपल्या नावे करून बळकावली प्रकरणी गुन्हा दाखल झाला आहे. त्यामुळे या दोन्ही आरोपींना कठोर शिक्षा व्हावी. यांना 48 तासांत अटक न झाल्यास हजारो महिलांसोबत पडघा पोलीस ठाण्याबाहेर आंदोलन करू’, असा इशारा काँग्रेस नगरसेविका तथा गटनेत्या कांचन कुलकर्णी यांनी दिला आहे.
आरोपींचा शोध सुरु
दरम्यान, यासंदर्भात वरिष्ठ पोलीस निरीक्षक पकंज गिरी यांच्याशी संपर्क साधला असता माजी आमदार नरेंद्र पवार व त्यांचा मित्र बडतर्फ पोलीस कर्मचारी असलेला शैलेश पाटील यांच्याविरोधात सामूहिक अत्याचारासह विविध कलमानुसार गुन्हा दाखल करून या गुन्ह्याच्या आधारे पोलीस पथकाने तपास सुरू करत दोन्ही आरोपींचा शोध सुरु केल्याची माहिती त्यांनी दिली आहे.
लेखकाबद्दलप्रशांत पाटीलप्रशांत पाटील ‘महाराष्ट्र टाईम्स ऑनलाईन'(TIL) या आघाडीच्या डिजिटल माध्यम समूहात सीनियर डिजिटल कंन्टेट प्रोड्युसर पदावर कार्यरत आहेत. पुणे जिल्ह्यातील नामांकित ‘थोडक्यात’ न्यूज वेब पोर्टल, हैदराबादमधील ‘आधान शॉर्ट न्यूज अॅप’, ‘सकाळ मिडिया ग्रुप’ आणि आता ‘महाराष्ट्र टाइम्स ऑनलाईन’, असा जवळपास पाच ते साडेपाच वर्षांपेक्षा अधिक काळ ते कार्यरत आहेत. प्रशांत पाटील यांना महाराष्ट्रातील ग्रामीण भागातील सर्व गुन्हेगारी, अपघात, शेतकरी विषयक बातम्या, ग्रामीण भागात यश संपादन केलेल्या तरुणी किंवा तरुणांच्या सक्सेस स्टोरीज् आणि महाराष्ट्र हायपर लोकल अशा विविध विषयांची आवड आहे. ऑगस्ट (2026) पासून ‘महाराष्ट्र टाईम्स ऑनलाईन’साठी (TIL) काम करत आहेत. या दरम्यान, राज्यातील विधानसभा, लोकसभा आणि स्थानिक स्वराज्य संस्थाच्या निवडणुकींच्या बातम्यांवर विशेष लक्ष ठेवतात. याआधीही त्यांनी याच माध्यम समूहासोबत तीन वर्ष काम केलं आहे.
प्रशांत पाटील यांनी पुण्यातील नामांकित आबासाहेब गरवारे महाविद्यालयातून मास कम्युनिकेशन विषयात पदव्युत्तर शिक्षण घेतलं आहे. शिक्षण घेत असतानाच त्यांनी ‘थोडक्यात’ या न्यूज वेब पोर्टलला काम केलं. तिथे डिजिटल माध्यमासाठी लेखन करत असताना त्यांना डिजिटल क्षेत्रातलं कसं काम करतात? हे यश संपादन केलं. त्यानंतर त्यांना मुंबईत ‘महाराष्ट्र टाइम्य ऑनलाईन’ (TIL) या नामांकित माध्यम समूहामध्ये काम करण्याची संधी मिळाली. 28 मार्च 2022 रोजी ते ‘महाराष्ट्र टाइम्स ऑनलाईन’ या मोठ्या ब्रँण्डसोबत पहिल्यांदा जोडले गेले. तिथे त्यांनी प्रदीर्घ काळ म्हणजे तीन वर्ष डिजिटल विभागात काम केलं. त्यांनतर त्यांनी फेब्रुवारी 2025 ला ‘सकाळ मिडिया ग्रुप’ला काम करण्याची संधी मिळाली. परंतु तिथे ते काम करत असताना त्यांना पुन्हा ‘महाराष्ट्र टाइम्स ऑनलाईन’ (TIL) या माध्यम समूहाने संधी दिली. त्यानंतर ऑगस्ट 2026 पासून प्रशांत पाटील हे ‘महाराष्ट्र टाइम्स ऑनलाईन’सोबत (TIL) काम करताय.
‘महाराष्ट्र टाइम्स ऑनलाईन’मध्ये (TIL) काम करताना त्यांना खूप मोठमोठ्या संध्या मिळाल्या. जसे की, व्हिडिओ करणे, महाराष्ट्रातील संपूर्ण जिल्ह्यातील रिपोर्टर यांच्याशी समन्वय साधणे, जिल्हा प्रतिनिधींकडून वेळोवेळी काम करुन घेणे, विशेष आणि काही महत्वाच्या बातम्या मागवून घेणे, अशा बऱ्याच गोष्टींची त्यांना इथे मिळाली. प्रशांत पाटील हे सकाळच्या शिफ्टला काम करत असताना लाईव्ह ब्लॉग, रिपोर्टरशी बोलणे, ब्रेकिंग बातम्या, हायपर लोकल बातम्या, ग्रामीण भागातील सर्व घडामोडींकडे लक्ष देण्याचं काम ते करतात.… आणखी वाचा