वांद्रे येथील मुंबई महानगर प्रदेश विकास प्राधिकरण पोडियम येथे ‘एमएमआरडीए’ आणि मुंबई महापालिकेच्या विविध प्रकल्पांचे उद्घाटन व लोकार्पण मुख्यमंत्री फडणवीस यांच्या हस्ते झाले. यावेळी मुख्यमंत्र्यांनी मुंबईच्या विकासकामांचा पट मांडला. ‘शुक्रवारी, स्वातंत्र्यदिनापासून मुंबईतील किनारा मार्ग नागरिकांसाठी 24 तास खुला राहणार आहे. हा मार्ग वाहतुकीच्या दृष्टिकोनातून क्रांतिकारी ठरेल. यात पादचाऱ्यांसाठी प्रेक्षणीय वॉकिंग ट्रॅक, सायकल ट्रॅक यांचा समावेश आहे’, असे सांगताना मुख्यमंत्र्यांनी हा संपूर्ण मार्ग सीसीटीव्हीच्या निगराणीखाली असेल, असे नमूद केले.

‘पश्चिम द्रुतगती महामार्गावरील वाहतुकीचा ताण कमी करण्यासाठी समांतर मार्ग तयार केले जात आहेत. मुंबईतील विविध भागांना जोडणारे बोगदे, लिंक पूल आणि उड्डाणपूल हे वाहतूक सुलभीकरणासाठी उपयुक्त ठरणार आहेत. मुंबईत सुरू असलेले विकास प्रकल्प 2028-29 पर्यंत पूर्णत्वास नेण्याचे उद्दिष्ट आहे’, असे मुख्यमंत्री फडणवीस यांनी जाहीर केले.
Ravi Ghai : सचिनच्या व्याह्यांनी जगाला आईस्क्रिमची गोडी लावली, पण पोटच्या मुलाने फसवलं, अर्जुन तेंडुलकरचे आजेसासरे कोण?
‘मुंबईचा विकास पर्यावरणस्नेही असावा, यासाठी आपण आग्रही आहोत. पर्यावरणाकडे दुर्लक्ष करून शाश्वत विकास करता येणार नाही. त्यामुळे विकास प्रकल्प राबवताना पर्यावरणाचा विचार प्रथम केला जात आहे. नव्याने उभारण्यात येत असलेल्या प्रकल्पांसाठी परदेशातील तंत्रज्ञानांपेक्षा चांगल्या आणि आधुनिक तंत्रज्ञानाचा वापर केला जात आहे’, असे मुख्यमंत्र्यांनी सांगितले. ‘उपनगरी रेल्वेतही मेट्रोसारखे वातानुकूलित, स्वयंचलित दरवाजे असलेले डबे उपलब्ध होतील. मेट्रो प्रकल्प केवळ वाहतूक सुधारण्यासाठी नसून, रोजगार निर्मितीचाही एक प्रभावी मार्ग आहे. कर्मचाऱ्यांना चांगले निवास व सुविधा दिल्यास त्यांची कार्यक्षमता वाढते. विकासात कोणतीही तडजोड न करता, मुंबईच्या प्रगतीचा वेग अधिक वाढवू’, असा विश्वासही मुख्यमंत्र्यांनी व्यक्त केला.

PM Modi Speech : पहलगाममध्ये सीमेपलिकडून येणाऱ्या दहशतवाद्यांनी धर्म विचारुन मारलं, सैन्याने ऑपरेशन सिंदूरद्वारे धडा शिकवला : मोदी
यावेळी उपमुख्यमंत्री एकनाथ शिंदे, उपमुख्यमंत्री अजित पवार, सांस्कृतिक कार्यमंत्री आशीष शेलार, मुंबई महापालिका आयुक्त भूषण गगराणी, मुंबई प्रदेश विकास प्राधिकरणाचे आयुक्त डॉ. संजय मुखर्जी उपस्थित होते.